• USD 429.57

  • EUR 447.35

  • RUB 6.94

  • CNY 63.23

17 Mamyr, 06:15:13
Almaty
+13°

BBC-diń  aǵylshyn tildi bólimi búgin "Qazaqstandaǵy dúrbeleńniń artynda kim tur? Beıbit sherý nege qandy qyrǵynǵa ulasty?" degen taqyryppen Qazaqstandaǵy dúrbeleńge taldaý jasaǵan aqparat jarııalady. Qamshy tilshisi aqparatty aýdaryp nazarlaryńyzǵa usynady: 

Qazaqstan bıligi oqıǵaǵa "sheteldik lańkester" kináli ekenin aıtady. Biraq oǵan dálelder joqtyń qasy.

Halyq oqıǵadan qanshama jazyqsyz adam zardap shekkeni, ne úshin bulaı bolǵanyn bilgisi keledi. Zardap shekkender qandy qyrǵynǵa "kim jaýapty?", "kimderdiń kesirinen boldy?", "bizdi jylatqandar jazasyn alýy kerek. Nelikten olar muny istedi?" dep qaıǵyrady. 

Máıithananyń syrtynda zorlyq-zombylyqtan qaza tapqan jaqyndarynyń máıitterin kútetinder kóp.

Qazaqstan prezıdenti qazir konstıtýsııalyq qurylym qalpyna keltirilgenin, eliniń qaýipsizdigine tóngen qater negizinen joıylǵanyn málimdedi.

Alaıda, bolǵan oqıǵanyń jarasyn jazý, esten óshirý ońaı emes. Zorlyq-zombylyqtyń artynda kim turǵany týraly suraqtardyń jaýaby áli belgisiz.

Kóshelerdegi zorlyq-zombylyqtyń órshýine "prezıdent Toqaev pen Nazarbaevqa adal toptar arasyndaǵy bılik úshin kúres sebep bolǵan" degen boljamdar bar.

Bılik oqıǵaǵa "shetelmen baılanysty terrorıster men bandıtter" kináli ekenin aıtady. "Memlekettik tóńkeris" jasalmaq bolǵanyn málimdedi. Al, keıbir qazaqstandyq sarapshylar "bandalar negizinen Nazarbaev klanymen baılanysqan, onyń ishinde qaýipsizdik qyzmetindegi adamdar da bar, olar  qaraqshylardy aıdap salý arqyly memleketke opasyzdyq jasady" degen pikirde. 

Oqıǵadan qaza bolǵandardyń naqty sany áli belgisiz.

"Qamshy" silteıdi
Ilmek sózder: BBC Qazaqstan

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir