• USD 431.41

  • EUR 452.94

  • RUB 6.92

  • CNY 63.83

20 Mamyr, 16:16:40
Almaty
+21°

Ulttyq qaýipsizdik komıteti komıtet tóraǵasynyń birinshi orynbasary Samat Ábish demalysta ekeni týraly aqparatty tolyqtyrdy.

"Ústimizdegi jylǵy 13 qańtardan bastap ol jyl saıynǵy demalysynda" delingen aqparattyq habarlamada.

Buǵan deıingi aqparatta demalys datasy jazylmaǵan bolatyn.

5 qańtarda Ulttyq qaýipsizdik komıteti tóraǵasynyń birinshi orynbasary laýazymyna Murat Nurtileý taǵaıyndalǵanda Samat Ábish qyzmetinen ketkeni týraly aqparattar shyqqan.
 
Samat Ábishtiń demalysy týraly ulttyq qaýipsizdik komıtetiniń alǵashqy, demalysqa shyǵý datasy jazylmaǵan aqparatynan keıin áleýmettik jelide Samat Ábishteı ulttyq qaýipsizdikke jaýapty organ basshysynyń birinshi orynbasary elde dúrbeleń bolyp jatqanda qalaı ǵana demalysta júredi dep jazýshylar bolǵan.
 
Qoǵam belsendisi Muhtar Taıjan UQK taratqan aqparatqa senbeıtinin jazǵan.
 
"El aıaqqa tik turyp, atys bolyp, adam ólip, ákimshilik órtenip, UQK departamentin basyp alyp, ishki ister departamentine shabýyl jasalyp jatqanda UQK birinshi orynbasary qalaı ǵana demalysta bolady. О́z basym bul aqparatqa sendeımin. Shamasy shyndyqty keıinirek biletin sııaqtymyz" dedi Muhtar Taıjan.
 
Jibek Áshirjantegi esimdi facebook qoldanýshysy da Samat Ábish qyzmetinde bolyp, eldegi jaǵdaıda demalysta júrgenine narazy.
 
"Eldigimizden aıyrlyp qala jazdap, talaı beıkúná adamnyń qany tógilip, biz shar quryp izdep júrsek, myna kisi eńbek demalysta eken. Elde tótenshe jaǵdaı jarııalanyp jatqanda demalystaǵy kisini shuǵyl shaqyrtýǵa bolmaı ma? Álde demalysyna kedergi keltirýge bolmaıtynda qatty jumys istep qoıdy ma?" dep jazady ol.
 
Samat Ábish Qazaqstannyń burynǵy prezıdenti Nursultan Nazarbaevtyń týǵan inisi Satybaldy Nazarbaevtyń balasy.
 
Reseı baspasózi buǵan deıin Samat Ábish pen onyń aǵasy Qaırat Satybaldy Dýbaıda ustalǵany týraly aqparat taratqan.
 
Oqı otyryńyz:
 
"Qamshy" silteıdi
Ilmek sózder: Samat Ábish

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir