Foto: Ashyq derekkóz
Aqorda saıty Maǵzum Myrzaǵalıev prezıdent keńesshisi laýazymyna taǵaıyndalǵanyn málim etti.
Maǵzum Myrzaǵalıev buǵan deıin keı músheleri otstavkaǵa ketken Asqar Mamın úkimetiniń quramynda bolyp, energetıka mınıstrligin basqarǵan.
Qańtardyń basynda Jańaózende bastalǵan halyq narazylyǵy dál osy Myrzaǵalıev jaýapty bolǵan avtokólik gazynyń qymbattaýynan bastalǵan. Sol kezde eks-mınıstr gaz baǵasyn naryq rettep otyrǵanyn, ony arzandatý múmkin emestigin aıtqan.
Al onyń kómekshisi tipti "halyq gaz qymbat bolsa, qoǵamdyq kólikpen júrsin" dep jurttyń ashýyna tıgen.
Artynsha, Jańaózen turǵyndaryn respýblıkanyń ózge de aımaqtary qoldaı bastaǵanda úkimet gaz baǵasyn 120 teńgeden 50 teńgege deıin tómendetken. Búginde el boıynsha avtokólik gazynyń lıtri 50-75 teńge aralyǵynda satylyp jatyr.
Sondaı-aq baǵany birden 120 teńgege negizsiz qymbattatqan operatorlarǵa qatysty tergeý júrip jatyr.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir