Álıhan Smaıylov eńbekaqy mólsherin ulǵaıtý boıynsha sharalar qabyldaýdy tapsyrdy

Premer-mınıstr Álıhan Smaıylov jańartylǵan quramda úkimettiń alǵashqy otyrysyn ótkizdi.

Úkimet basshysy resmı saıtynyń málimetinshe, Álıhan Smaıylov bıznes ıdeıalardy iske asyrýǵa arnalǵan granttar (400 AEK deıin) men eńbekaqy mólsherin ulǵaıtý, jastar praktıkasyna, «Alǵashqy jumys orny» jobasyna qatysý merzimin arttyrý boıynsha sharalar qabyldaýdy tapsyrǵan.

"Ulttyq ekonomıka, Eńbek jáne halyqty áleýmettik qorǵaý mınıstrlikterine bir aı merzimde halyqtyń tabysyn arttyrý jónindegi baǵdarlamanyń jobasyn ázirleý tapsyryldy. Bilim jáne ǵylym mınıstrligine múddeli memlekettik organdarmen birlesip, muǵalimder tapshylyǵy bar óńirler úshin áleýmettik qoldaý sharalarynyń tıisti paketimen pedagogtardy tartý baǵdarlamasyn ázirleý, bedeldi sheteldik joǵary oqý oryndarynyń 5 fılıalyn ashý jóninde sharalar qabyldaý tapsyryldy. Premer-mınıstr memlekettik bilim berý tapsyrysy jobasynda tehnıkalyq baǵyttar boıynsha, birinshi kezekte, batys óńirlerde granttar sanyn ulǵaıtý, halyq tyǵyz qonystanǵan óńir jastarynyń joǵary oqý oryndarynda bilim alýy úshin nysanaly granttar kózdeý qajettigin atap ótti" delingen aqparattyq habarlamada.