• USD 424.85

  • EUR 504.21

  • RUB 5.84

  • CNY 65.86

25 Qańtar, 16:22:28
Almaty
-3°

Almatydaǵy №7 qalalyq klınıkalyq aýrýhanany 3 kúnge jýyq ýaqyt ekstremısterden qorshaýǵa alǵan. Bul týraly aýrýhananyń bas dárigeri Manas Ramazanov aıtyp berdi.

– Biz 5-8 qańtar aralyǵynda, 3 táýlikke jýyq ýaqyt qorshaýda boldyq. Aýrýhana mańaıyna ekstremıstik top qorshaý quryp aldy. Olar bizden 50-100 metir qashyqta boldy. Aýrýhana úsh kóshe arasynda tur: Raıymbek, Áshimov, Altyn Alash. Osy kóshelerde qarýly adamdar toby boldy. Olar qorshaý turyǵyzyp aýrýhana jumysyna kedergi boldy. Kirip-shyǵýǵa múmkindik bermedi. Jedel járdem kólikterin kirgizbedi, – dedi bas dáriger. 

Sodyrlar ot jaǵyp, aýrýhanaǵa oq atqan. Birneshe ret shabýyl jasap, esik, terezelerdi shaqqan. Dárigerlerdi qorqytyp, dári, spırt suraǵan jáne qarý kezengen. Kýágerlerdiń aıtýynsha, olardyń arasynda maska taqqany, saqaldy-saqalsyz, áskerı kıingenderi bolǵan.

– Biz terezeden qarap otyrdyq. Olar aýrýhanany kepilge ustap otyrdy. Psıhologııalyq turǵydan jumys isteý óte qıyn boldy, – dedi ol.

Bul kezde klınıkada 300-ge tarta naýqas, 200-ge jýyq qyzmetker bolǵan. Keı qyzmetkerler 3 táýlikke jýyq aýrýhanada jatqan. Olarǵa shabýyl jasaý qaýpi bolǵandyqtan ekinshi aýysym jumysqa kele almaǵan.
 
– О́zimniń kózim jetti, kóligime qylmyskerler toby tap bergende qashýǵa týra keldi. Bul tańerteńgi ýaqyt bolatyn, tańǵy 6-7 shamasy, jumysqa kelgen kezim. Jeke sektor arqyly kólikti qaldyryp, dýal arqyly qashyp, jumysqa kelýge týra keldi. 6-7 kúnderi jaǵdaı ýshyǵyp ketti, eki kúndeı jaǵdaı qıyn boldy. 8 qańtarda arnaıy organdar kúshtik operasııany bastap, olardy myna jerden shyǵara bastady, – dedi №7 aýrýhananyń bas dárigeri. 

5-6 qańtarda mıtıng pen tártipsizdikter kezinde jaraqat alǵandar aýrýhanaǵa túse bastaǵan.

– Túrli dene jaraqatyn alǵandar tústi. Biraq kim ekenin aıta almaımyn. Organ qyzmetkerleri kelip, alyp ketti. Búginde klınıkada mıtıng kezinde zardap shekkender de, quqyq qorǵaý organy ókilderi de joq, – dedi dáriger.

Aýrýhanaǵa jetkizilgenderdiń ekeýi qaıtys bolǵan.

– Medısınalyq qyzmetkerler arasynda dúrbeleń bolǵan joq, biraq qorqynysh boldy. Aýrýhanada kóbine er adamdar, hırýrgtar, travmatologtar, neırohırýrgtar, jeke qaýipsizdik qyzmetkerleri boldy. Áıelder qaýymyn qysqartýǵa tyrystyq. Aýrýhanada bolǵandardy joǵarǵy qabattarǵa jasyrdyq, – deıdi Ramazanov. 

Dárigerlerge shabýyl jasalmaǵan, biraq qorqytyp, qarýmen qoqan-loqy kórsetilgen. Búginde №7 qalalyq klınıkalyq aýrýhana radıkaldardan azat etildi, mekeme shtattyq rejımde jumys istep jatyr. 

– Ol jerdegi jaǵdaı qazir turaqty, bári jaqsy. Olar (terrorıster - esk.) jaralanǵandardy emdeý úshin sol jerde tosqaýyl jasamaq bolǵan. Arnaıy operasııa júrgizilip, dereý shara qoldanyldy, – deıdi Almaty PD baspasóz qyzmeti basshysy Saltanat Ázirbek.

"Qamshy" silteıdi
Ilmek sózder: Almaty Mıtıng

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir