• USD 468.56

  • EUR 497.56

  • RUB 7.3

  • CNY 67.18

29 Naýryz, 13:53:26
Almaty
+35°

Qazaqstan prezıdenti Qasym-Jomart Toqaev Ujymdyq qaýipsizdik sharty uıymynyń vırtýaldy sammıtinde sóz sóıledi. Toqaev Reseı prezıdenti Vladımır Pýtınnen sherýlerdi toqtatýǵa kómek suraǵan bolatyn. Reseı men UQShU-nyń basqa da birneshe múshesi oǵan jaýap retinde ásker jibergen.

El tarıhyndaǵy eń iri zorlyq-zombylyq oqıǵasynan keıin Toqaev "bir ortalyqtan" úılestirilgen tóńkeris áreketine tótep bergenin aıtty.

Ol "Jaqynda bolǵan narazylyqtardyń negizgi maqsaty – konstıtýsııalyq qurylymdy buzý jáne bılikti basyp alý ekeni belgili bolǵanyn" málimdedi.

Reseı basshysy Pýtın sammıtte "Árıne, biz Qazaqstandaǵy oqıǵalar memleketterimizdiń ishki isterine syrttan aralasýdyń birinshi jáne sońǵy áreketi emes ekenin túsinemiz" dedi.

Qazaqstannyń ishki ister mınıstrligi el boıynsha 7939 adam ustalǵanyn habarlady. Dúısenbi kúni jaǵdaıdyń "turaqtalyp, baqylaýda" ekeni habarlandy.

Densaýlyq saqtaý mınıstrligi oqıǵa kezinde 164 adam qaza tapqanyn málimdegen, keıinirek ol aqparatty ózderi teriske shyǵardy.

Dúısenbi kúni zorlyq-zombylyq oqıǵasynyń qurbandaryna aza tutý kúni dep jarııalandy.

Narazylyq sharalary men zorlyq-zombylyqty toqtatý úshin prezıdent Toqaev qaýipsizdik kúshterine eskertýsiz oq atýǵa múmkindik beretin buıryq berdi. Batys elderi Toqaevtiń "eskertýsiz atý" týraly buıryǵyn synǵa aldy.

Dúısenbi tártipsizdik qurbandaryn aza tutý kúni dep jarııalandy.

Narazylyqtar alǵashynda janarmaı baǵasynyń kóterilýine baılanysty bolǵan. Biraq eldegi avtorıtarlyq bılikke narazylyq saldarynan beıbit sherý kúsheıe tústi. Onyń sońy el tarıhyndaǵy eń iri zorlyq-zombylyq oqıǵasyna ulasty. 

Toqaev oqıǵany "bir ortalyqtan" úılestirilgen tóńkeris áreketi retinde baǵalasa, keıbir Batys aqparat quraldary oqıǵa týraly "Toqaev pen Nazarbaevqa jaqyn adamdar arasyndaǵy shıelenis" bolýy múmkindigi joǵary ekendigin aıtady.

Reseı prezıdenti Vladımır Pýtın dúısenbi kúni Qazaqstandy sheteldikter qoldaǵan lańkestik kóterilisten qorǵaýda jeńiske jetkenin málimdedi jáne basqa burynǵy keńestik memleketterdiń basshylaryna Máskeý bastaǵan alıans olardy da qorǵaıtynyna ýáde berdi.

Dúısenbide Qytaıdyń syrtqy ister mınıstri Beıjiń Qazaqstanmen "quqyq qorǵaý jáne qaýipsizdik" salasyndaǵy yntymaqtastyqty arttyrýǵa jáne "syrtqy kúshterdiń aralasýyna qarsy turýǵa kómektesýge daıyn" dedi.

Qytaı prezıdenti Sı Szınpın juma kúni Qazaqstan prezıdenti Qasym-Jomart Toqaevqa Qytaı Qazaqstandy turaqsyzdandyratyn kez kelgen sheteldik kúshke tabandy túrde qarsy turatynyn aıtty. Qytaı memlekettik telearnasy "Sı Szınpın syrtqy kúshterdiń túrli-tústi tóńkeris jasap jatqanyn aıtty" dep habarlady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir