Prezıdent Qasym-Jomart Toqaev halyqqa kezekti úndeý joldady. Bul joly ol el aldyna Qaýipsizdik keńesiniń tóraǵasy retinde shyqty. Buǵan deıin Qaýipsizdik keńesin Nursultan Nazarbaev basqarǵan.
– Elimizdegi ahýal óte kúrdeli. Meniń osyǵan deıin jasaǵan birneshe úndeýime qaramastan ózderin "ereýilshiler" dep ataıtyn adamdar toby qasaqana túrde jaǵdaıdy ýshyqtyryp otyr. Elimizdiń teń jartysyna jýyǵynda qaqtyǵystar oryn alýda. Ásirese, Almatydaǵy ahýal óte kúrdeli. Bizdiń súıikti qalamyzda quqyq qorǵaý qyzmetkerlerine jappaı shabýyl jasalyp jatyr. Olardyń arasynda qaza tapqandar men jaralanǵandar bar. Buzaqy toptar áskerı qyzmetshilerdi uryp-soǵyp, kóshege jalańash shyǵaryp, mazaqqa aınaldyrýda. Áıelderdi zorlap, dúkenderdi tonap jatyr, – dedi prezıdent.
Toqaev Almatynyń barlyq turǵyndaryna qaýip tónip otyrǵanyn jetkizdi. Osyǵan baılanysty birqatar óńirde tótenshe jaǵdaı engizdi.
– Prezıdent retinde, men, azamattarymyzdyń qaýipsizdigi men tynyshtyǵyn qorǵaýǵa, Qazaqstannyń tutastyǵyna alańdaýǵa mindettimin. Meniń qabyldaǵan sharalarym kóp ultty Qazaqstannyń ıgiligine baǵyttalǵan. Alaıda bul sharalar jetkiliksiz bolyp tur.
Buzaqy toptardyń áreketteri joǵary deńgeıde uıymdastyrylǵanyn kórip otyrmyz. Bul qarjylandyrylǵan búlikshilerdiń jan-jaqty oılastyrylǵan jospary ekenin dáleldeıdi. Bul – qaskóılerdiń qıturqy áreketi.
Sondyqtan memleket basshysy jáne búginnen bastap Qaýipsizdik keńesiniń tóraǵasy retinde barynsha qatań áreket etemin. Bul – ómirin qorǵap qalýǵa ótinish bildirgen kóptegen azamatymyzdyń qaýipsizdigine qatysty másele.
Bul – memleketimizdiń qaýipsizdigine tikeleı qatysty. Halyq meni qoldaıtynyna senimdimin.
Qandaı jaǵdaı bolsa da men elordada bolamyn. Halyqpen birge bolý – meniń Konstıtýsııalyq mindetim. Biz jumyla otyryp, Qazaqstan tarıhyndaǵy osy syn saǵatty birge eńseremiz. Budan shyńdalyp shyǵamyz. Jýyrda Qazaqstandy saıası transformasııalaý jónindegi jańa usynystarymdy jarııalaımyn. Men dáıekti reformalardy burynǵydaı jalǵastyra beremin, – dedi Q.Toqaev.
Pikir qaldyrý
pikir