• USD 424.85

  • EUR 504.21

  • RUB 5.84

  • CNY 65.86

19 Qańtar, 16:49:01
Almaty
+1°

Energetıka mınıstri Maǵzum Myrzaǵalıev jospardan tys ótkizilgen baspasóz máslıhatynda  Qazaqstandaǵy gaz baǵasynyń qymbattaýyna qatysty túsinikteme berdi. 

Baspasóz máslıhaty Aqtaý men Jańaózendegi narazylyqtarǵa baılanysty uıymdastyryldy.

Mınıstrdiń aıtýynsha, Qazaqstanda suıytylǵan munaı gazynyń baǵasy Orta Azııadaǵy eń tómengi baǵalardyń biri. Bul – óndirýshi kompanııalar úshin kedergi, baǵa tómen bolsa, gaz óndirisi óspeıdi. 2020 jyly gazdyń ishki tutyný kólemi 1,4 mıllıon tonnany quraǵan. 2021 jyly ishki naryqta suıytylǵan gazdy tutyný 1,6 mıllıon tonnaǵa deıin ósken. Bul rette gaz óndirý óspeıdi, al tozǵan zaýyttardyń jıi jóndelýi suıytylǵan gaz jalpy óndirisiniń tómendeýine alyp keledi, dep atap ótti mınıstr.

Suıytylǵan gaz baǵasynyń qymbattaýyna qatysty Energetıka mınıstri  mynadaı túsinikteme berdi.

  • Gaz baǵasynyń ósýine birneshe faktor sebep deıdi.
  • 1 qańtardan bastap suıytylǵan gaz elektrondy saýdaǵa ótti, sondyqtan baǵasy janar-jaǵarmaı beketterine jetkenshe lıtrine 120 teńge bolǵan;
  • Sońǵy 2 jylda gazben júretin kólik 2 esege artqan, bul tapshylyqqa ákelýde;
  • Mańǵystaýdaǵy kóliktiń 70% gazben júredi;
  • Gaz óńdeýshi zaýyttar ábden eskirgen, sondyqtan shyǵatyn ónim azaıyp keledi;
  • Gazdyń qazirgi zaýyttan shyǵyp jatqan ózindik quny lıtrine 136 teńge shamasynda;

Aıta keteıik, 2022 jylǵy 1 qańtadan bastap Jańaózende "kógildir" otyn baǵasy kenetten 120 teńgege deıin ósken. Turǵyndar kesheli beri gaz baǵasyn 60 teńgege deıin túsirýdi beıbit túrde talap etýde.

Prezıdent Qasym-Jomart Toqaev Jańaózendegi jaǵdaıdy ekonomıkalyq turǵydan eskerip, quqyqtyq jaǵynan tez arada qarastyrýdy tapsyrdy. Toqaev sherýge shyqqandar qoǵamdyq tártipti buzbaýǵa tıis ekenin málimdedi.

Qazirgi ýaqytta Mańǵystaý oblysynyń AJQS ıeleri bıznestiń áleýmettik jaýapkershiligi aıasynda bastamashylyq tártippen gaz qunyn lıtrine 120 teńgeden 85-90 teńgege deıin tómendetý týraly sheshim qabyldaǵany habarlandy.

"Qamshy" silteıdi
Ilmek sózder: Jańaózen

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir