Foto: Nýralı Aıtelenov/Facebook
Almatyda dıssıdent, aqyn Aron Atabektiń qazasyna 40 kún tolýyna oraı berilgen astan shyǵyp, Jańaózende gaz baǵasynyń arzandaýyn talap etip turǵan azamattardy qoldamaq bolyp Navoı kóshesi boıymen sherýletken bir top adamdy polısııanyń arnaıy jasaǵy toqtatty. Bul týraly belsendi Besjan Tóleýbekuly facebook paraqshasynda málim etti.
Belsendi túsirgen vıdeodan adamdar restorannan shyǵyp, kólikpen, jaıaýlatyp Navoı kóshesimen tómen, soltústik baǵytqa qaraı sherýletip túsip bara jatqanda aldylarynan arnaıy jasaq shyǵyp, olardyń jolyn bógegenin kórýge bolady.
Jýrnalıst Mııat Káshibaı Besjan Tóleýbekulymen telefon arqyly sóıleskenin aıtady. Belsendi "avtozag" ishinde ketip bara jatyr polısııa 30 shaqty adamdy ustalǵanyn jetkizgen. 5 adamdy Naýryzbaı aýdandyq polısııa bólimine tastasa, ózimen qosqanda 4 adamdy Áýezov aýdandyq polısııa bólimine apara jatqanyn málim etken. Qalǵan adamdar qaıda jetkiziletini belgisiz. Qazirgi ýaqytta belsendiniń telefony sóndirýli tur.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir