03 Qańtar, 2022 NEWS
Foto: Muhtar Taıjannyń áleýmettik jelidegi paraqshasynan alyndy
Mańǵystaý oblysy Jańaózen qalasy turǵyndarynyń gaz baǵasy qymbattaýyna baılanysty narazylyq aksııalary jalǵasyp jatyr.
Qala aýmaǵynda ınternet pen uıaly baılanys istemeıdi. Áleýmettik jeli arqyly túrli aqparat jetip jatyr.
Sońǵy aqparattarda qala ishinde qarýly kúzet kúsheıgeni, narazy azamattardy oblystyń ózge de aýdandary qoldap kóshege, alańǵa shyǵyp jatqany aıtylady.
Jýrnalıst Ońǵar Qabden Facebook paraqshasynda "búkil Mańǵystaý oblysy mıtıngke shyqqany" týraly málimdedi.
Sondaı-aq Jańaózenge baratyn barlyq joldar jabylǵany habarlandy.
Jelide belsendiler Jańaózen turǵyndaryn qoldaý maqsatynda Qaraǵandy, Almaty qalalarynda mıtıngke shyǵýǵa shaqyryp jatyr.
Belgili zańger Abzal Quspan áleýmettik jelide Jańaózenge qoldaý bildirgenderdiń birazy jekesine shyǵyp jatqanyn jetkizdi.
Aıtýynsha, mıtıngke shyqqandardyń áreketine arandatýshylyq dep quqyqtyq baǵa berilýde.
– Iá, qylmystyq kodeksinde arandatýshylyq áreketter úshin – qylmystyq jaýapkershilik qarastyrylǵan. Kodekstiń 28 baby, 4 bóliginde sózbe-sóz bylaı jazylǵan: “Basqa adamdy azǵyrý, paraǵa satyp alý, qorqytý jolymen nemese basqa da tásilmen qylmystyq quqyq buzýshylyq jasaýǵa kóndirgen adam aıdap salýshy dep tanylady”.
Iаǵnı, eger Siz osy jaǵdaıdy paıdalanyp, Jańaózendik aǵaıyndardy qandaı da bir qylmystyq is-áreket jasaýǵa ıtermeleseńiz, týra maǵynasynda kóndirseńiz (!), onda Sizdiń áreketińiz arandatýshylyq dep tanylýy bek múmkin!
Alaıda, Jańaózendikterge, osyndaı qıyn jaǵdaıda qoldaý bildirý, ol eshqandaı da arandatýshylyqqa jatpaıdy! Jańaózendikterdi qoldaý, eldiń qos ókpesinen qysyp bara jatyrǵan qymbatshylyqqa, ony aýyzdyqtaýǵa sharasyzdyq tanytyp otyrǵan Úkimetke, bılikke narazylyq bildirý! Al ol – Sizdiń Konstıtýsııalyq quqyǵyńyz, – dedi zańger Abzal Quspan.
Aıta keteıik, 2022 jylǵy 1 qańtadan bastap Jańaózende "kógildir" otyn baǵasy kenetten 120 teńgege deıin ósken. Turǵyndar kesheli beri gaz baǵasyn 60 teńgege deıin túsirýdi beıbit túrde talap etýde.
Oqı otyryńyz:
♦ Aqtaý, Aqtóbede adamdar alańǵa shyqty. Munaıshylar jumysyn toqtatty
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir