• USD 429.57

  • EUR 447.35

  • RUB 6.94

  • CNY 63.23

17 Mamyr, 07:07:42
Almaty
+13°

Germanııa bıligi eldegi atom elektr stansııalarynyń jartysyn jabý týraly sheshim qabyldady. Bul týraly Associated Press aqparat agenttigi habarlady.

Basylym málimetinshe, 31 jeltoqsanda eldiń soltústiginde ornalasqan Brokdorf atom elektr stansııasyn qosa alǵanda, úsh atom elektr stansasy óshirildi. Atom elektr stansalarynyń jumysyn toqtatý týraly sheshim 2011 jyly Japonııanyń Fýkýsıma atom elektr stansasyndaǵy apattan keıin qabyldanǵan bolatyn. 

Býndestagta daýys berý kezinde bul bastamany 600 depýtattyń 513-i qoldaǵan. Eń eski reaktorlar birden toqtatyldy, al qalǵan toǵyzyn kezeń-kezeńimen jabý týraly sheshim qabyldandy. Bıyl elektr qýatyn óndirýdi toqtatatyn Bavarııa, Tómengi Saksonııa jáne Shlezvıg-Golshteınde ornalasqan úsh atom elektr stansasynan keıin qalǵan úsh atom elektr stansasy kelesi jyldyń sońyna deıin jabylady.

AES-ti toqtatýǵa baılanysty jumystar taǵy birneshe jyl jalǵasady. Bul rette el jańartylǵan energııa kózderine kóbirek kóshýdi josparlap otyr. 2030 jylǵa qaraı elektr energııasynyń 80%-y jel týrbınalary, kún batareıalary nemese bıogaz qondyrǵylary arqyly óndiriledi dep boljanýda.

Qazaqstanda birneshe jyldan beri atom elektr stansııasyn salý ıdeıasy kóterilip keledi. Energetıkter AES qajettiligin energetıkalyq tapshylyqpen túsindiredi. Prezıdent Q.Toqaev bıylǵy joldaýynda 2030 jyldarǵa qaraı Qazaqstanda elektr energııasynyń tapshylyǵy bolatynyn aıtqan.

Alaıda qoǵamda AES salýǵa qarsy kóńil-kúı basym. Arys qalasy, Jambyl oblysyndaǵy áskerı qoımalarda bolǵan jarylystan keıin AES salý ıdeıasyna degen teris kózqaras arta túsken. Azamattar arasynda eki jylda eki birdeı joıqyn jarylysqa jol berip qoıǵan úkimettiń áreketine kúmánmen qaraıtyndar basym. "AES salyp, sońy úlken qaıǵyly jaǵdaıǵa uryndyryp júrmesine kim kepil" degen mazmundaǵy pikirler jıi aıtylady. 

DEMOSCOPE qoǵamdyq pikirge jedel monıtorıng júrgizý bıýrosy júrgizgen "Qazaqstandyqtardyń AES qurylysy týraly pikiri" saýalnamasyna qatysýshylardyń 55%-y atom elektr stansııasynyń salynýyna qarsy ekenin aıtqan. 
"Qamshy" silteıdi
Ilmek sózder: AES Germanııa

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir