• USD 431.41

  • EUR 452.94

  • RUB 6.92

  • CNY 63.83

20 Mamyr, 09:38:47
Almaty
+18°

Prezıdent Qasym-Jomart Toqaev ekinshi deńgeıli bankterdiń kepildik saıasatyna qatysty zańǵa qol qoıdy. Bul týraly Aqorda saıtynyń baspasóz qyzmeti habarlady.

"Memleket basshysy "Qazaqstan Respýblıkasynyń keıbir zańnamalyq aktilerine memlekettik basqarý, ekinshi deńgeıli bankterdiń kepildik saıasatyn, baǵalaý qyzmetin retteýdi jáne atqarýshylyq is júrgizýdi jetildirý máseleleri boıynsha ózgerister men tolyqtyrýlar engizý týraly" zańǵa qol qoıdy" delingen habarlamada.

Zań jobasynyń negizgi baǵyttary:

  • boryshkerge kepilge qoıylǵan múlikti óz betinshe satýyna múmkindik berý;
  • keı jaǵdaılarda kepil berýshige kepil nysanasyn aýystyrýǵa múmkindik berý;
  • paıdakúnemdik maqsattardyń týyndaýyn boldyrmaý úshin kepil ustaýshynyń jáne onymen affılırlengen tulǵalardyń satyp alýshy retinde aýksıonǵa qatysýyna tyıym salý.

Atqarýshylyq is júrgizý deńgeıinde boryshkerge tyıym salynǵan jyljymaıtyn múlikti óz betinshe satý quqyǵy beriledi. Baǵasy 75 prosentten kem bolmaýy shart. Aýksıondy ótkizý tártibine de ózgerister engizildi. Budan bólek, zań jobasynda baǵalaýshylardyń qyzmetine qoıylatyn talaptar da qatańdatylǵan.

Eske sala keteıik, 2021 jyldyń 20 qyrkúıeginde Almatynyń Aqbulaq shaǵyn aýdanynda ornalasqan jekemenshik úıdiń ıesi sot úkimin oryndaýǵa kelgen 5 adamdy atyp tastady. Oqıǵa ornynda sot oryndaýshysy, ýchaskelik ınspektorlar, úıdiń jańa ıesi men onyń tanysy kóz jumdy.

Prezıdent Qasym-Jomart Toqaev bes birdeı adamdy atyp tastaǵan boryshkerdiń áreketin aqtaýǵa bolmaıtynyn basa aıtyp, tragedııaǵa sebep bolǵan negizgi máselelerdi jan-jaqty zerdelep, qajet bolsa zańǵa ózgeris engizýdi tapsyrǵan bolatyn.

"Qamshy" silteıdi
Ilmek sózder: Aqbulaq Almaty

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir