• USD 425.02

  • EUR 450.1

  • RUB 7.17

  • CNY 63.75

22 Mamyr, 16:55:22
Almaty
+12°

Foto: Aqyn Ardaq Amalbektiń jeke muraǵatynan

Poezııa-janǵa lázzat syılaıtyn ishi sulýlyq pen jylýlyqqa tunyp turǵan ádemi de qazynaly sandyq ispetti. Baǵzydaǵy babalar zamanynan jalǵasqan ultymyzdyń óleń óneri qazaq rýhanııat áleminiń óz kıesin baıaǵyda-aq dáleldegeni aqıqat.

Qazirgi jastardyń poezııaǵa degen yqylasy men yntasy kóńil qýantady. Bul áke qutymen, ana sútimen qanǵa sińgen asyl qasıet bolsa kerek.

Bıylǵy jyldyń 24 jeloqsan kúni Almaty qalasynda aqylyna kórki saı Amalbek Ardaq Maqsatqyzynyń «Jan dúnıeńmen jarqyra» atty poezııa keshi ótti. Osy sharaǵa qoldaý kórsetken jalyndy jastardyń, daryndy jastardyń ónerine altyn kópir bolyp júrgen «О́zgeris óner keńistiginde» dep atalatyn rýhanı ortalyq eken. Bul keshte M.Maqataev, U.Esdáýlet, N.Bekuly, M.Tórebek...syndy ataqty aqyndardyń óleńderi oqyldy. Ardaqtyń poezııany erekshe mánermen oqyǵany, sondaı-aq názik daýysynyń ádemi ekpin boıaýy  kásibı, maıtalman dıktorlardan bir kem emes.

HHI ǵasyrdaǵy ınternet dáýiri qansha qaryshtap damydy desek te ultymyzdyń óleń ónerine degen qushtarlyqtyń bıik deńgeıin aǵylyp kelip jatqan bozbalalar men boıjetkenderdiń qatarynyń kóptigi qýanysh sezimine bóleıdi. Áýeli ińgáláǵan nárestelerdiń tátti úni de estilip qalady. Bul keshte biz teatr álemine kelip qalǵandaı boldyq.

Ordaly Ońtústiktiń Arys qalasynda 1998 jyldyń 20 jeltoqsanynda dúnıe esigin ashqan Amalbek Ardaq Maqsatqyzynyń sonaý balań shaqtan Hákim Abaı óleńderin, Oralhan Bókeı...sekildi kóptegen sańlaq qalamgerlerdiń shyǵarmashylyǵymen sýsyndap ósipti. Aýdandyq, qalalyq, respýblıkalyq jarystarǵa qatysyp júldemen oralǵan sátteri az emes. Osy keshten kórermenderdiń kózaıym bolyp rýhanı baıyp qaıtqanyna biz de kýá boldyq. О́mirde de, ónerde de jolyń bolsyn, Ardaq qyz!                                                                                         

Shýaq Qaıratqyzy

"Qamshy" silteıdi
Ilmek sózder: poezııa keshi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir