• USD 424.85

  • EUR 504.21

  • RUB 5.84

  • CNY 65.86

25 Qańtar, 16:39:46
Almaty
-3°

Túrkııa prezıdenti Rejep Erdoǵan túrik lırasy tarıhı quldyraýdan keıin qaıta qalpyna kele bastaǵanyn málimdedi. Bul týraly DW aqparat agenttigi habarlady.

Keshe ulttyq valıýtanyń dollarǵa qatysty baǵamy 18,3-ge deıin tómendep, el prezıdentiniń úndeýinen keıin birden 13 jarym lıraǵa qymbattaǵan.

Prezıdenttiń aıtýynsha, azamattarǵa jańa qarjylyq balama usynylady. Azamattarǵa depozıttegi salymdy túrik lırasynan shetel valıýtasyna aýystyrýdyń qajeti bolmaıdy. Sebebi lıramen saqtalatyn depozıt syıaqysy valıýta baǵamynan joǵary bolmaq.

– Endi aıyrbas baǵamy joǵary bolady dep eshbir azamatymyzdyń depozıtterin lıradan shetel valıýtasyna aýystyrýdyń qajeti bolmaıdy. Valıýta baǵamynyń qubylýyna baılanysty baǵa berýde qınalǵan eksporttaýshy kompanııalarymyzǵa Ortalyq bank arqyly forvardtyq baǵam beriledi. Baǵamdaǵy aıyrmashylyq eksporttaýshy kompanııaǵa lıra túrinde tólenedi, – dedi Túrkııa prezıdenti Rejep Taıyp Erdoǵan.

Ortalyq banktiń paıyzdyq mólsherlemeni tómendetý úrdisi  jalǵasa bermek. Erdoǵan bul jaǵdaı birer aıdan keıin ınflıasııanyń tómendeýine alyp keletinin atap ótti.

Budan bólek, jańa ekonomıkalyq baǵdarǵa sáıkes, memlekettik qyzmetker, zeınetkerlerdiń jalaqysy artyp, shákirtaqylar joǵarylaıdy.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir