• USD 429.57

  • EUR 447.35

  • RUB 6.94

  • CNY 63.23

17 Mamyr, 06:49:24
Almaty
+13°

Saıasattanýshy, belsendi Sanjar Boqaev "Ýtılalymǵa jol joq" qozǵalysy saıası partııaǵa aınalýy múmkin ekenin málim etti. Bul týraly ol Almatyda ótken baspasóz-mıtıng barysynda aıtty.

Ol óziniń 100 myńdaǵan jaqtasy baryn, ýtılalymǵa qarsy petısııaǵa eki kúnde 150 myń adam qol qoıǵanyn jetkizdi. "Biz munymen toqtap qalmaımyz" degen ol qajet bolsa, saıası partııa quratynyn atap ótti.

– Úkimetke ýltımatým qoıamyz. Úkimetke bir aı ýaqyt beremiz. Bir aı ishinde úkimet saıasatyn (ýtılalymǵa baılanysty - red) ózgertpese, referendým jarııalaımyz. Bizdi (azamattar - red) qoldaıtynyna senimdimin, – dedi saıasattanýshy.

Qozǵalys músheleri "Ýtılalymǵa jol joq" qoǵamdyq birlestigin qurýdy, mıtıng pen demonstrasııa túrinde beıbit jıyndar ótkizýdi, 1 aqpanǵa deıin ýtılalymdy joıý boıynsha túbegeıli sharalar jasalmasa avtokólik aýyl sharýashylyǵy tehnıkasy, kabel baǵasy sekildi máseleler boıynsha sotqa aryz túsirýdi  josparlap otyrǵanyn aıtty.

"Ýtılalym avtokólik pen aýyl sharýashylyǵy tehnıkasy, kabel baǵasynyń ósýine ákelip soǵyp otyr. Sáıkesinshe, taýar men azyq-túlik, qurylys materıaldary, kólik tasymaly, kommýnaldyq tarıfter baǵasy da qymbattap jatyr. Avtopark qartaıyp, ekologııalyq turǵyda nasharlaı tústi. Ýtılalym júıesi kesirinen budan keıin de osyndaı teris saldar týa beredi" delingen qozǵalys málimdemesinde.

Boqaevtyń sózinshe, ýtılalym júıesi jemqorlyqty órshitip, avtokólik qunyn qoljetimsiz etedi. 5 jylda ýtılalym tóleminen 579 mlrd teńge jınalǵanyn atap ótken ol ýtılalym naryqtyqqa, halyqqa qarsy amoraldyq, qarjylyq turǵyda ashyq emes júıe ekenin jetkizdi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir