09 Jeltoqsan, 2021 Mańǵystaý oblysy
foto: Mańǵystaý oblysy ákiminiń baspasóz qyzmeti
2003 jyly Qazaqstan Respýblıkasynyń Tuńǵysh Prezıdenti N.Nazarbaevtyń jarlyǵymen qurylǵan «Aqtaý teńiz porty» arnaıy ekonomıkalyq aımaǵy» - Mańǵystaý óńiriniń áleýmettik jáne ekonomıkalyq damýyna tyń serpin berýde.
Arnaıy ekonomıkalyq aımaq qurylǵan 18 jylda AEA aýmaǵyndaǵy jobalarǵa álemniń 7 eliniń, sonyń ishinde Qytaı, Ulybrıtanııa, Ázerbaıjan, Sıngapýr, Túrkııa, Germanııa, Iran jáne jergilikti ınvestorlar 244 mlrd. teńge ınvestısııa saldy. Osy jyldar ishinde 395 mlrd. teńgege jýyq ónim óndirildi, bul rette óndirilgen ónim kólemindegi jergilikti qamtýdyń úlesi 75%-dy quraıdy.
Arnaıy ekonomıkalyq aımaq qurylǵan sátten bastap qazynaǵa 52,1 mlrd. teńge somasynda salyq tólemderi tólendi. Jańadan 3000-nan astam turaqty jumys orny quryldy, onyń 95%-y jergilikti kadrlar.
Búgingi tańda ekonomıkalyq aımaqta munaı óndirý, óńdeý, qurylys, kólik jáne logıstıka, týrızm nysandaryn salý maqsatynda 41 qatysýshy tirkelip, 19 joba sátti iske asyrylyp jatyr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir