• USD 433.3

  • EUR 464.19

  • RUB 6.48

  • CNY 64.56

28 Mamyr, 03:09:29
Almaty
+18°

Foto: Mańǵystaýdyń baspasóz qyzmeti

2007 jyly Elbasy – Tuńǵysh Prezıdent N.Nazarbaevtyń jarlyǵymen Mańǵystaýda jańa – Munaıly aýdany qurylǵany belgili. Bul – táýelsizdik alǵannan keıingi elimizde qurylǵan alǵashqy aýdan boldy. Alǵashqy kezde aýdan halqynyń sany 53 myń bolsa, qazir Munaılyda 174 myńnan astam adam turady. О́ńirdegi eń iri jáne halyq tyǵyz ornalasqan aýdandardyń biri de qazir osy aýdan.

Táýelsizdik jyldary ishinde Munaıly aýdanyndaǵy pedagogtar sany 7 esege artqan. Máselen aýdan qurylǵan 2007 jyly 374 muǵalim ǵana bolsa, búgingi tańda olardyń sany 2890-ǵa jetip otyr. Aýdan qurylǵan 14 jyl ishinde aýdandaǵy mektepter sany 5 ese ósti. Qazir aýdan muǵalimderiniń 80 paıyzy joǵary bilimdi. Sondaı-aq táýelsizdik alǵan jyldar ishinde 1554 muǵalim «Dıplommen aýylǵa» baǵdarlamasy aıasynda kóterme járdemaqy taǵaıyndalsa, 627 muǵalim bıýdjettik nesıe alǵan.

Foto: Mańǵystaýdyń baspasóz qyzmeti

Sonymen qatar Táýelsizdik jyldarynda Munaıly aýdanynda 80 balabaqsha ashyldy. Munaıly aýdany qurylǵan 2007 jyly munda jalǵyz memlekettik balabaqsha jumys istese, qazir 68 jeke menshik, 10 memlekettik balabaqsha bar. Jyl ótken saıyn balabaqshadaǵy tárbıe jumystarynyń da sapasy artyp keledi. Kúni keshe Baıandy aýylynyńdaǵy «Botaqan» balabaqshasynda balalardyń oılaý, sóıleý qabiletin damytatyn «Montessorı» kabıneti ashyldy.

«Bul ıtalııalyq ǵalym Marııa Mantessorıdyń tujyrymdasymen daıyndalǵan kabınet. Bizdiń balabaqshada 140 bala bolsa, sonyń ekeýi erekshe bilimdi qajet etedi. Biraq munda kez kelgen bala kelip, ýaqyt ótkize alady. 2 tárbıeshiniń biliktiligin arttyryp, osy kabınette jumys júrgizýge ádeıi daıyndadyq», - dedi balabaqsha meńgerýshisi Gúlmaısa Amangeldiqyzy.

Egemendik alǵan jyldar ishinde Munaılyda shaǵyn kásipkerlik sýbektisi 88 paıyzǵa artqan. Sonyń negizinde 10 732 adam jumyspen qamtylǵan. Aýdan kásipkerleri jalpy naryqqa temir beton plıtalaryn, qıyrshyq tas jáne asfalt, penoplasttan bastap, sút, un, et jáne shujyq ónimderin, kókónister usynýda.

Sonyń biri 2018 jyly qurylǵan Mańǵystaý aýylyndaǵy «Aısar Stroı Aqtaý» JShS. Kompanııa qurylysshylarǵa beton jáne gazablog óndirýmen aınalysady.

«Biz jylyna 20 myń tekshe metr beton jáne 5 myń tekshe metr gazablog óndiremiz. Keler jyldan bastap úıdiń syrtyn qaptaıtyn plıtalardy da shyǵarýdy josparlap otyrmyz. Qazir óńirdegi birqatar iri qurylys kompanııalarymen berik áriptestik qarym qatynas ornattyq. 30 adamdy jumyspen qamtyp otyrmyz. Aldaǵy jyly qyzmetshiler sanyn arttyrýdy oılap otyrmyz», - dedi ýchaske bastyǵy Erjigit Ábdi.

"Qamshy" silteıdi
Ilmek sózder: Mańǵystaý

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir