• USD 468.56

  • EUR 497.56

  • RUB 7.3

  • CNY 67.18

28 Naýryz, 16:16:45
Almaty
+35°

Foto: Almaty oblysy ákiminiń baspasóz qyzmeti

Eldiń basty merekesi – Táýelsizdiktiń 30 jyldyǵyna oraı Almaty oblysynda «Nur Otan» partııasy oblystyq fılıalynyń múshelerine, máslıhat depýtattary men ardagerlerine óńirdiń damýyna qosqan úlesi úshin memlekettik, mereıtoılyq, partııalyq nagradalar tapsyryldy. Sonymen qatar el Prezıdentiniń Alǵys hatymen «Saıat» ulttyq sportyn damytýdaǵy eńbekteri úshin ardager búrkitshiler marapattaldy. Nagradalardy Almaty oblysynyń ákimi Qanat Bozymbaev tapsyrdy, dep habarlaıdy Almaty oblysy ákiminiń baspasóz qyzmeti.

Marapat tapsyrý saltanatynda Qanat Bozymbaev táýelsizdik pen birlik  halyqtyń basty qundylyǵy ekenin atap ótti. Táýelsizdik jyldarynda Tuńǵysh Prezıdentimiz Nursultan Ábishuly Nazarbaevtyń salıqaly saıasatynyń arqasynda elimiz úlken ózgeristerdi bastan keship, halyqtyń ál-aýqatyn arttyrýǵa baǵyttalǵan jańa áleýmettik-ekonomıkalyq reformalar júzege asqanyna toqtaldy. Elbasynyń syndarly joly Prezıdentimiz Qasym-Jomart Kemeluly Toqaevtyń basshylyǵymen jalǵasyp kele jatqanyn aıtty.  

Sondaı-aq Qanat Aldabergenuly oblysta ulttyq sport túrleri boıynsha 1600-den astam sporttyq seksııalar jumys isteıtinin, sporttyń bul túrimen 60 myńnan astam adam aınalysatynyn da atap ótti. Sonymen birge aımaqtaǵy 50 qusbegi - respýblıkalyq «Qyran» federasııasynyń belsendi múshesi. Osy oraıda «Saıat» ulttyq sportyn damytýdaǵy eren eńbegi úshin birqatar ardager búrkitshiler Qazaqstan Respýblıkasy Prezıdentiniń Alǵys hattarymen marapattaldy.  

Belsendi qyzmetteri úshin nurotandyqtarǵa Qazaqstan Respýblıkasy Táýelsizdigine 30 jyl» mereıtoılyq medali, «Halyq alǵysy» medali, «Belsendi qyzmeti úshin» tósbelgisi, «Nur Otan» partııasynyń Qurmet gramotasy berildi.

Foto: Almaty oblysy ákiminiń baspasóz qyzmeti

Marapattalǵandar arasynda depýtattar, partııa fılıalynyń jáne partııalyq uıymdardyń ókilderi, memlekettik qyzmetshiler, bıýdjettik uıymdar qyzmetkerleri, qoǵam belsendileri, kásipkerler, mesenattar, jýrnalıster, partııanyń belsendi músheleri bar.

Osy kúni marapattaý I.Jansúgirov atyndaǵy Mádenıet saraıynda jalǵasyn tapty. Munda oblys ákimi Qanat Bozymbaev jınalǵan kópshilikti  Táýelsizdik kúnimen quttyqtap, birqatar azamattarǵa «Almaty oblysynyń Qurmetti azamaty» ataǵyn jáne máslıhat ardagerlerine «Qurmetti depýtat» tósbelgilerin tabystady. Oblystyń Qurmetti azamaty atanǵandar qatarynda Aqylbek Kúrishbaev, Qanymjan Sultanqulova, Asqar Súleımenov, Rımma Salyqova jáne basqa da azamattar bar. Sol sııaqty máslıhat ardagerleri Edige Júnisbekov, Yzǵarbek Bektursynov, Aıan Aıtjanov, Serik Muqanov syndy ondaǵan azamat «Qurmetti depýtat» tósbelgisine ıe boldy.

Osy jıynda eńbek sińirgen ardagerlerge Parlament Senatynyń, birqatar salalyq mınıstrlikterdiń, Almaty oblysy ákiminiń Qurmet gramotalary, Alǵys hattary, «Úzdik depýtat» tósbelgisi berildi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir