• USD 425.02

  • EUR 450.1

  • RUB 7.17

  • CNY 63.75

22 Mamyr, 16:09:26
Almaty
+12°

Ile aýdany – Almaty oblysynyń eń irgeli aımaǵynyń biri. Almaty megapolısimen shekaralas aýdandy damytýǵa ınvestorlardy kóptep tartý kerek. Bul rette bıznestiń áleýmettik jaýapkershiligi aldyńǵy orynda turýy tıis. Ile aýdanyna jasaǵan jumys sapary barysynda Almaty oblysynyń ákimi Qanat Bozymbaev aýdan ákimdiginiń aldyna osyndaı mindetter qoıdy, dep habarlady Almaty oblysy ákiminiń baspasóz qyzmeti.

Sapar barysynda Qanat Bozymbaev О́tegen batyr aýylyndaǵy Servıstik ákimdik ǵımaratynyń halyqqa qyzmet kórsetý múmkindikterimen tanysty. Qosózen aýylynda bıylǵy oqý jylynda qoldanysqa berilgen №50 orta mektepti de aralap kórdi. Munda  jalpy sany 630 bala oqıdy, sonyń 300-deıi aýyl mańyndaǵy 12 saıajaıdan kelip bilim alady. Mektepte balalarǵa sapaly bilim berýge barlyq jaǵdaı jasalǵan.

Sol sııaqty Qanat Aldabergenuly tolyq iske qosylǵanda 84,8 mlrd. teńge ınvestısııa tartylyp, 1 myń turaqty jumys ornyn ashatyn «Sokol» sporttyq tehnıkalyq kesheninde de boldy.

О́tegen batyr aýylyndaǵy alleıaǵa atbasyn tirep, munda eldi mekendi abattandyrý josparymen tanysty. Aýdan ákimi Baǵdat Qarasaev turǵyn úılerdiń aýlalary men balalar oıyn alańdaryn abattandyrýdyń eskızdik jobalary, kóp qabatty úılerdiń qasbetteri men shatyrlaryn jóndeý jumystary jaıly aıtyp berdi. Iаǵnı osy alleıanyń boıyndaǵy úılerdiń qasbetteri bir sáýlettik kelbetke keltiriledi. Sol sııaqty kóp páterli úsh úı men 100 kottedjdiń, aýdandyq mádenıet úıi men sport kesheniniń jobalary tanystyryldy.

Aýdan ákimi Ile óńirindegi saıajaılardyń ınfraqurylymdyq máselelerin sheshýdiń jospar-jobalaryna jeke toqtaldy. Onyń aıtýynsha, bıylǵy jyly 234 mln. teńgege 18 saıajaı birlestigine aparatyn 6,9 km jol jasalǵan. «Jomart» jáne «Cheremýshkı» saıajaılaryna aýyz sý jáne elektrmen qamtý júıelerin kúrdeli jóndeýdiń jobalyq-smetalyq qujattary daıyndalýda.

Bul máselege oblys ákimi Qanat Bozymbaev aýdan aktıvimen kezdesýinde erekshe mán berip, jıyn barysynda keleli problemalardy talqylady. Jáne eń basty mindet – Prezıdenttiń halyqqa Joldaýynan týyndaıtyn mindetter men memlekettik baǵdarlamalardy nátıjeli oryndaý ekenin atap ótti.   

Aldymen aýdan ákimi Baǵdat Qarasaev óńirdiń 10 aıdaǵy damý kórsetkishteri men aldaǵy mindetter jaıly baıandama jasady. Budan soń oblys ákimi Qanat Bozymbaev azyq-túlik óndirisiniń tómendeýine jol bermeý, medısına mamandarynyń jetispeýshiligin boldyrmaý úshin sharalar qabyldaý, memlekettik baǵdarlamalar sheńberinde turǵyn úımen qamtamasyz etý arqyly úı kezegindegiler sanyn azaıtý, saıajaılardaǵy áleýmettik máselelerdi sheshý sııaqty birqatar problemalarǵa qatysty aýdan ákimi orynbasarlarynyń jaýabyn tyńdady.

Foto: Almaty oblysy ákiminiń baspasóz qyzmeti

- Ile aýdany – irgeli aýdan. Munda 310 myńǵa jýyq adam turady. Sonyń 60 myńnan astamy - saıajaı turǵyndary. Saıajaıda turatyn adamdarǵa qolaıly ómir súrý jaǵdaıyn jasaýymyz kerek. Ol úshin 3-4 jylǵa arnalǵan strategııalyq jospar bolýy kerek. Onda árbir saıajaı massıvin gaz, sý, elektr jaryǵy, jol sııaqty ınfraqurylymmen qamtý, áleýmettik nysandar salý – barlyǵy da qamtylýy kerek. Saıajaı massıvterinde turatyn azamattardyń máselelerin sheshý jergilikti atqarýshy organnyń mańyzdy basymdyǵy bolýy tıis, - dedi Qanat Bozymbaev.

Sonymen qatar aýdanǵa ınvestorlardy kóptep tartý kerektigin eskertti. Bul oraıda bıznestiń áleýmettik jaýapkershiligi aldyńǵy orynda turýy tıis.

Jıyn barysynda oblys basshysy Qanat Bozymbaev aýdan ákimdiginiń aldyna halyqtyń ál-aýqatyn arttyrý baǵytyndaǵy basqa da mańyzdy mindetter qoıdy.

Úsh aýysymdy mektepterdi joıý úshin usynystar engizilip, bul iste memlekettik-jekemenshik áriptestik tetiginiń múmkindikterin keńinen paıdalaný qajet. Jańa jumys oryndaryn qurýdy shıratý, qaıta óńdeıtin óndirister ashýdy jandandyrý, koronavırýstyq ınfeksııanyń taralýynyń aldyn alý, áleýmettik máni bar azyq-túlik baǵasynyń kóterilýine jol bermeý, jastar men balalardyń bos ýaqytyn tıimdi ótkizýge jaǵdaı jasaý tapsyryldy. Sol sııaqty Almaty qalasy men Ile aýdany arasyndaǵy jolaýshy kóligi qatynasy jáne jolaqy tólemindegi jeńildikter máselesine qatysty týyndaǵan qıyndyqtardy aldaǵy ýaqytta qala basshylyǵymen kezdesip, talqylaıtynyn aıtty. 

"Qamshy" silteıdi
Ilmek sózder: Almaty oblysy Bozymbaev

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir