Kórneki sýret
16 jeltoqsannan bastap biryńǵaı zeınetaqy tólemderi qarajaty esebinen Otbasy bankindegi depozıtti toltyrý múmkindigi iske qosylmaq. Bul týraly "Otbasy bank" AQ basqarma tóraǵasy Lázzat Ibragımova málim etti.
Lázzat Ibragımova prezıdent úkimetke zeınetaqy jınaqtarynyń jetkiliktilik shegin 2022 jyldyń 1 sáýirine deıin ulǵaıtpaýdy tapsyrǵanyn, depozıtti toltyrý batyrmasyn 16 jeltoqsanda iske qosýǵa jáne tórt demalys kúni boıy arnaıy shottar men depozıtterdi ashýǵa daıyn ekenin atap ótti.
"Biz jerlesterimiz merekelik dastarhan basynda noýtbýkty ashyp nemese úı kompıýterinen júktep alyp, ózderiniń birjolǵy zeınetaqy tólemderin Otbasy Banktegi depozıtterine aýdara alatyndaı tehnıkalyq qoldaýdy qamtamasyz etýge daıynbyz. Tek bir ótinish, barlyǵyn www.enpf-otbasy.kz platformasynda onlaın rejımde jasasańyzdar. P. S. aqparattyq qaýipsizdik maqsatynda platforma tek qazaqstandyq IP mekenjaılarynan ǵana qoljetimdi jáne planshettik nemese stasıonarlyq kompıýterlermen jumys isteýge eseptelgen. Eger siz bireýdiń platformaǵa kire almaǵandyǵy týraly ashýly postyn kórseńiz, bul avtordyń VPN arnalary arqyly túsiniksiz saıttarǵa kirip, sonyń kesirinen endi platformaǵa kire almaı otyrǵandyǵynyń belgisi ekenin túsinińizder" dedi ol áleýmettik jelidegi paraqshasynda.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir