• USD 424.85

  • EUR 504.21

  • RUB 5.84

  • CNY 65.86

19 Qańtar, 16:25:42
+1°

Foto: Almaty oblysynyń óńirlik kommýnıkasııalar qyzmeti

Ǵasyrlyq ǵumyrynda aryny basylmaǵan alyp jyrshy, óshpes mura qaldyrǵan dúldúl aqyn-Jambyl Jabaevtyń 175 jyldyq mereıtoıy aıasynda, el Táýelsizdiginiń 30 jyldyǵy qarsańynda Almaty obylsynyń ónerpazdary kıeli mekenge taban tiredi, dep habarlady Almaty oblysynyń óńirlik kommýnıkasııalar qyzmeti.

Jeti ózeni toǵysqan ólkeniń mádenıetiniń damýyna ólsheýsiz úles qosyp júrgen saf ónerdiń saqalary, Almaty oblysynyń Jambyl oblysyndaǵy mádenıet kúnderi aıasynda «Jeruıyq meken-Jetisý» atty konsertti kóptiń nazaryna usyndy. 

Mádenı sharada Súıinbaı atyndaǵy Almaty oblystyq fılarmonııasynyń ónerpazdarymen qatar О́mirqul Aınııazov, QR eńbek sińirgen ártisteri - Uljan Aınaqulova, Qanat, Aıtgúl Qudaıbergenovter óner kórsetti.

Jetisýlyqtardyń jambyldyqtarǵa tartýy  Janat Baıdaralınniń «Ǵasyrlar úni» qoıylymymen shymyldyǵyn túrip, «Aqyndarǵa arnaý», «Kók sholaq», «Dúldúlim», «Sary jazyq», «Sarybaıǵa», «Aq qaıyq», «Jetisý» syndy dástúrli án sherýmen jalǵasyn tapty.

Merekelik kesh sońy «Altynaı» memlekettik halyqtyq bı ansambliniń oryndaýyndaǵy «Jastar saltanaty» qoıylymmen qorytyndylanyp, Jambyl oblysynyń ákimi Berdibek Saparbaevtyń «Yqylas gúli» jetisýlyqtarǵa tabys etildi. 

Mádenıet kúnderi bir ǵana keshpen aıaqtalmady, sharanyń sheńberinde «Balasaǵun» ortalyq konsert zalynda «Uly jyraýdyń asyl murasy» atty jáne Jambyl oblysyndaǵy Sáken Seıfýllın atyndaǵy Almaty oblystyq ámbebap kitaphanasynyń uıymdastyrýymen «Jer jánnaty Jetisý-jeruıyǵym» degen ataýdy arqaý etken jyljymaly kórme kerege jaıdy. 

«Uly jyraýdyń asyl murasy» kórmesi Jambyl Jabaevtyń ádebı – memorıaldy mýzeıiniń qoryndaǵy 100-ge jýyq eksponattar negizinde bezendirildi.

Kórme ekspozısııasynda jyr alybynyń ózi ustaǵan dombyrasy, Máskeý qalasyna sapary kezinde kıgen shapandary, telefon apparaty, sonymen qatar elimizge belgili sýretshilerdiń týyndylary jáne taǵy da basqa qundy ǵasyr aqynynyń ómiri men shyǵarmashylyǵynan mol málimet beretin murajaı eksponattary qazdaı tizilip, kóshpeli kórmeden oryn tapty. 

Al, «Jer jánnaty Jetisý-jeruıyǵym» atty kórmesi jetisýlyq aqyn-jazýshylardyń tyń týyndylaryn  Jambyl oblysyndaǵy oqyrman qaýymǵa nasıhattap, jańasha aqparattarmen bólisý maqsatynda júzege asty.

Áýlıeatalyqtarǵa aqyn, dramatýrg, qoǵam qaıratkeri Ilııas Jansúgirovtiń 125 jyldyq mereıtoıyna oraı  Almaty oblysy ákiminiń qoldaýymen jaryq kórgen  20 tomdyq shyǵarmalar jınaǵy, Jambyl Jabaevtyń 175 jyldyq mereıtoıyna  oraı jaryq kórgen  «Jambyl Jabaev» kitabynyń 30 tomdyǵy, sondyı-aq, Sáýle  Dosjannyń «Birtýar» (2021), Beısen Quranbektiń  «Parasat bıigi» (2021) kitaby qala turǵyndary men qonaqtaryna tanystyryldy.

Aıta keteıik, qos kórme 7-jeltoqsan kúni A.Toqpanov atyndaǵy Jambyl oblystyq qazaq drama teatrynyń foesinde kelýshiler nazaryna usynylady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir