• USD 424.85

  • EUR 504.21

  • RUB 5.84

  • CNY 65.86

24 Qańtar, 11:52:39
Almaty
-3°

Foto: Almaty oblysynyń óńirlik kommýnıkasııalar qyzmeti

Baqylaý-kassa mashınasynyń fıskaldy túbirtegin berilmegeni týraly nemese tólem kartalary boıynsha tólemdi qabyldaýdan bas tartý týraly málimdegen Qazaqstan Respýblıkasynyń turǵyndary arasynda «Azamattyq baqylaý – túbirtekti talap et» aksııasy ótkizile bastady. Bul týraly « Jetisy Media» alańynda ótken baspasóz-máslıhatynda belgili boldy. 

Memleket basshysynyń ózin-ózi retteý, qoǵamdyq baqylaý tetikterin moratorıı qoldaný kezeńinde jandandyrý týraly tapsyrmalaryna sáıkes Memlekettik kirister komıteti baqylaý-kassa mashınasynyń fıskaldyq túbertekterin bermeý ne tólem kartalary boıynsha tólemdi qabyldaýdan bas tartý faktilerin anyqtaý úshin 2021 jylǵy 20 qazannan bastap «Azamattyq baqylaý-túbirtekti talap et» aksııasynyń qaıta bastaldy.

«Azamattyq baqylaý - túbirtekti talap et» aksııasyna kez kelgen nıet bildirýshi azamat qatysa alady. Barlyq jiberilgen ótinishter memlekettik kirister organdarymen qarastyrylatyn bolady.

«Fıskaldyq túbirtekti bermeý nemese tólem kartalary boıynsha tólemdi qabyldaýdan bas tartý faktileri týraly App Store jáne Play market-ten «WIPON CASHBACK» tegin mobıldi qosymshasyn júkteý arqyly habarlaýǵa jáne fıskaldyq túbirtekti bermeý faktisi rastalǵan jaǵdaıda telefon teńgerimine syıaqy (jeke tabys salyǵy shegerile otyryp 1000 teńge) alýǵa bolady», deıdi Qaratal aýdany boıynsha MKB salyq tóleýshilermen jumys bóliminiń basshysy- Janar Nıgmatýllına. 

Chek berilmegen jaǵdaıda QR ÁQBtK-niń 284-babyna sáıkes "baqylaý-kassa mashınalaryn qoldaný tártibin buzý" QR zańnamasyn buzǵan salyq tóleýshilerge qatysty tıisti sharalar qabyldanatyn bolady.

Aıta keteıik, Almaty oblysy boıynsha memlekettik kirister departmentine 2021 jyldyń basynan 69 shaǵym túsirildi.

Memlekettik kirister komıteti Qazaqstan Respýblıkasynyń barlyq azamattaryn ózderiniń azamattyq ustanymdaryn bildirýge, zańdy buzýshylarǵa beı-jaı qaramaýǵa jáne «Azamattyq baqylaý - túbirtekti talap et» aksııasyna belsendi qatysýǵa shaqyrady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir