• USD 433.3

  • EUR 464.19

  • RUB 6.48

  • CNY 64.56

28 Mamyr, 03:31:14
Almaty
+17°

Foto: Almaty oblysynyń óńirlik kommýnıkasııalar qyzmeti

Elde 12 jastan bastap jasóspirimder men júkti jáne omyraýda balasy bar kelinshekterge koronavırýsqa qarsy vaksına salynady degen aqpar jelide jeldeı eskeni sol edi, buqaranyń oıy san-saqqa bólindi, dep habarlady Almaty oblysynyń óńirlik kommýnıkasııalar qyzmeti.

Onyń sebebi, «antıvakserlerdiń» qurastyrǵan «ertegisi» bolatyn.  Biri vaksına saldarynan erte ólim qushamyn, ekinshisi balamnyń densaýlyǵyn qurtamyn dep daýryqqany jasyryn emes. Alaıda, bul qatarda «denniń saýlyǵy-basty qaǵıda» degendi jeleý etkenderde joq emes. Oǵan dálel, 15-qarashadan bastap barlyǵy 7439 adam «Komırnatı» vaksınasynyń birinshi bóligin alǵan.  Onyń ishinde, 6075-i 12 men 18 jas aralyǵyndaǵy  jasóspirimder, 336 júkti jáne 1028-i laktasııa kezeńinde áıelder bar.

Degenmen, áli kúnge jurttyń, naqtylasaq, ata-analardyń  kókeıindegi suraqtar seıilmedi. Sonyń birqataryna, Almaty oblysy sanıtarlyq-epıdemıologııalyq baqylaý departamentinń basshysy Erǵalı Sydymanov balasynyń ómirine alańdaǵan jandardyń joldaǵan suraqtaryna jaýap berdi: 

1. Vaksına alǵannan keıin balada qandaı asqynýlar bolýy múmkin?

О́ndirýshi usynǵan aqparatqa sáıkes, keıbir egilýshilerde «Komırnatı» vaksınasyn alǵannan keıin ıneksııa ornynyń aýyrýy, isinýi, sharshaǵyshtyq, bastyń jáne bulshyqettiń aýyrýy, býyndardyń aýyrýy, qaltyraý, dıareıa, qyzba, ıneksııa ornynyń qyzarýy, júrek aıný, qusý degen sııaqty reaksılar kezdesedi. 

2. Vaksınalarda qospalar bar ma? Olardyń konservanttary qandaı?

«Komırnatı» vaksınasyna («Pfaızer» kompanııasy) arnalǵan nusqaýlyqqa sáıkes 1 dozada (0,3 ml) mRNQ negizindegi (lıpıdti nanobólshekterge ınkapsýlanǵan) COVID-19-ǵa qarsy 30 mkg bar. Sonymen qatar vaksınanyń quramynda bir dozaǵa keminde 1 mmol kalıı (39 mg) jáne natrıı (23 mg) bar, ıaǵnı olardyń quramy shamaly ǵana. Ekpede  organızmde bedeýlik nemese mýtasııalyq prosester sııaqty uzaq merzimdi jaǵymsyz saldarlarǵa ákeletin komponentter joq. Vaksınadaǵy kez kelgen zattar halyqaralyq normatıvterge sáıkes organızm úshin qaýipsiz konsentrasııalar bolyp tabylady. 

3. Balany vaksınasııalaýdan qalaı bas tarta alamyn? 

Profılaktıkalyq egýdi júrgizý aldynda jalpy praktıka dárigeri nemese pedıatr, dáriger bolmaǵan kezde feldsher azamattarǵa, kámeletke tolmaǵandardyń ata-analaryna nemese ózge de zańdy ókilderine jáne Qazaqstan Respýblıkasynyń azamattyq zańnamasynda belgilengen tártippen áreketke qabiletsiz dep tanylǵan azamattardyń zańdy ókilderine egý júrgizýge aqparattandyrylǵan kelisim nysanyn usynady.Profılaktıkalyq egýlerdi júrgizýge erikti túrde aqparattandyrylǵan kelisim nemese bas tartý jazbasha túrde toltyrylady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir