Láılá Sultanqyzy: Qazaqshamdy mensinbedi

Láılá Sultanqyzy jýrnalıstıkada júrip ótken jolyn eske alyp áriptesi Gúlnar Bajkenovaǵa suhbat berdi. Suhbat barysynda ol Batyrhan Shúkenovke ne úshin qaryzdar ekenin,  kezinde qazaqtildi jýrnalıster qalaı qınalǵanyn aıtty.

– Men jýrnalıstıkaǵa kelgende redaksııanyń kóbi orystildi bolatyn. Qazaqtildi redaksııa az edik. Orystildi redaksııa ýlap-shýlap jańa nárse oılastyryp, trend jasaıtyn. Qazaqtildi jýrnalıster ol kezde qysym kóretin. Sebebi sen kóbirek isteısiń, biraq alatyn aılyǵyń azdaý bolady. Men ol kezde mýzykalyq portalda isteıtinmin. Aıtpaqshy, men efırge shyqqan alǵashqy qazaqtildi vıdjeımin. Qazaqsha sóıleıtinim, qazaq estradasyn tanıtynym "Sýper star" jobasyna qazylyq etýime sebepker boldy. Meni efırden kórip qalǵan Batyrhan Shúkenov jobaǵa qosylýyma tikeleı áser etti, – dedi Láılá Sultanqyzy.