Alekseı Soı jańa jyldy toılaýǵa qatysty málimdeme jasady

Densaýlyq saqtaý mınıstri Alekseı Soı koronavırýstyń taralýy áli toqtamaǵanyn eske salyp, jańa jyldy toılaýǵa qatysty qazaqstandyqtarǵa keńes berdi.

Mınıstrdiń aıtýynsha, jańa jyldyq merekeni otbasymen birge úıde qarsy alǵan durys.

– Biz otbasymen birge qarsy alýǵa keńes berer edik. Jańa jyl – bul otbasylyq mereke, sol sebepti adamdar sanyn barynsha shekteýge tyrysý kerek. Vırýs eshqaıda ketken joq. О́kinishke qaraı, taralyp jatyr, aýrý juqtyrǵandar men qaıtys bolǵandar bar. Sondyqtan ózińizdi saqtap, otbasyńyzben kóbirek ýaqyt ótkizgen jón, – dedi Soı.

Sonymen qatar, ol korporatıvter men basqa da aýqymdy is-sharalarǵa barmaýǵa keńes berdi.

– Qazir belgili bir talaptar bar. Jalpy biz araqashyqtyq saqtaýǵa bolatyn keıbir konferensııalardy qospaǵanda, iri is-sharalar ótkizbeımiz. Iаǵnı, densaýlyq saqtaý mınıstrliginde (jańa jyldyq keshter - red) bolmaıdy, – dedi densaýlyq saqtaý mınıstri Alekseı Soı. 

Buǵan deıin mınıstr "omıkron" shtamyna baılanysty Qazaqstanda shekteý sharalary engizilýi múmkin ekenin aıtqan edi.