• USD 468.56

  • EUR 497.56

  • RUB 7.3

  • CNY 67.18

28 Naýryz, 22:31:59
Almaty
+35°

Qytaı 2022 jyly Beıjińde ótetin qysqy Olımpıada oıyndaryna AQSh-tyń josparlanǵan dıplomatııalyq boıkotyn aıyptap, oǵan jaýap qaıtaratynyn málimdedi.

Qytaı syrtqy ister mınıstrliginiń baspasóz hatshysy Chjao Lıszıan Qytaı "qatań qarsy sharalar" qabyldaıtynyn aıtty.

Dúısenbide AQSh Qytaıdaǵy adam quqyqtaryna qatysty alańdaýshylyqqa baılanysty Beıjińge dıplomattaryn jibermeıtinin málimdegen.

Chjao AQSh sportshylary oıyndarǵa bara alatynyn jáne olarǵa tolyqtaı memlekettik qoldaý kórsetiletinin aıtty.

Seısenbi kúni BAQ brıfınginde Chjao AQSh-ty "sporttaǵy saıası beıtaraptyqty" buzdy dep aıyptap, usynylǵan boıkot "ótirik pen qaýesetterge negizdelgen" dedi.

Bul jaǵdaı eki el arasynda shıelenis kúsheıgeniniń taǵy kórinisi. AQSh Qytaıdy Shyńjańdaǵy qazaq, uıǵyr sııaqty azshylyqty qýǵyn-súrginge ushyratyp, genosıd jasady dep aıyptaıdy. Al Qytaı bul aıyptaýdy úzildi-kesildi joqqa shyǵaryp júr.

Olımpıada oıyndaryna ádette AQSh pen basqa elderdiń joǵary deńgeıdegi úkimet ókilderi qatysady. Osy jyldyń basynda AQSh birinshi hanymy Djıl Baıden Tokıoda ótken jazǵy Olımpıadada AQSh delegasııasyn basqarǵan.

Biraq dúısenbide Aq úıdiń baspasóz hatshysy Djen Psakı AQSh Beıjińde ótetin Olımpıadada olaı istemeıtinin aıtty. Ol 2022 jylǵy oıyndarǵa resmı delegasııany jibermeý arqyly Beıjińge "naqty messedjdi" uǵyndyrýǵa tyrysady.

Qytaıdyń Weibo áleýmettik medıa platformasynda seısenbi kúni tańerteń "AQSh-tyń Beıjińdegi qysqy Olımpıadaǵa dıplomatııalyq boıkot jarııalaýy" degen sóz boıynsha izdeý taqyrybyna senzýraǵa salyndy.

BBC aqparatynsha, Qytaı memlekettik "Global Times" basylymy jarııalaǵan habarlamanyń astyndaǵy pikirlerdiń kópshiligi de joıylyp, 1500-ge jýyq pikirdiń tek segizi ǵana qalǵan.

Buǵan deıin Vashıngton Beıjiń Olımıpıadasyna boıkot jarııalaǵany habarlandy.

Al onyń aldynda AQSh prezıdenti Djo Baıden aldyńǵy aıda Qytaıda ótetin sport oıyndaryna boıkot jarııalaý jospary bar ekenin málimdegen.

Halyqaralyq uıymdar jáne kóptegen demokratııalyq elder Qytaıdy "Shyńjań avtonomııasynda turatyn uıǵyr, qazaq sııaqty musylman azshylyqtaryna genosıd jasady" dep aıyptaıdy.

Sonymen qatar, Beıjińniń Gonkongtaǵy saıası bostandyqtardy basyp-janshý áreketine qatysty da shıelenis kúsheıdi.

"Qamshy" silteıdi
Ilmek sózder: AQSh Qytaı Olımpıada

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir