• USD 424.85

  • EUR 504.21

  • RUB 5.84

  • CNY 65.86

22 Qańtar, 10:52:37
Almaty
-4°

AQSh 2022 jyly Qytaıdyń Beıjiń qalasynda ótetin qysqy Olımpıada oıyndaryna dıplomatııalyq túrde boıkot jarııalady.

Aq úı Qytaıdaǵy adam quqyqtaryna qatysty alańdaýshylyqqa baılanysty oıyndarǵa resmı delegasııa jiberilmeıtinin aıtty.

Biraq AQSh sportshylar jarysqa qatysa alatynyn jáne úkimettiń tolyq qoldaýyna ıe bolatynyn málim etti.

Al Qytaı tarapy boıkot jarııalanǵan jaǵdaıda "qatań qarsy sharalardy" qoldanatynyn málimdedi.

Aq úıdiń baspasóz hatshysy Djen Psakı dúısenbide boıkot jarııalanatynyn rastaǵan.

"AQSh-tyń dıplomatııalyq nemese resmı ókildigi QHR-dyń [Qytaı Halyq Respýblıkasynyń] Shyńjańdaǵy adam quqyqtaryn óreskel buzýy men qatygezdigi jaǵdaıynda bul oıyndardy ádettegideı bıznes retinde qarastyrady" dedi ol. 

Buǵan deıin Vashıngtonnyń Beıjiń Olımıpıadasyna boıkot jarııalamaq jospary bar ekeni habarlanǵan.

Halyqaralyq uıymdar jáne kóptegen demokratııalyq elder Qytaıdy "Shyńjań avtonomııasynda turatyn uıǵyr, qazaq sııaqty musylman azshylyqtarǵa genosıd jasady" dep aıyptaıdy.

Sonymen qatar, sońǵy ýaqytta Beıjińniń Gonkongtaǵy saıası bostandyqtardy basyp-janshý áreketine qatysty da shıelenis kúsheıdi.

"Qamshy" silteıdi
Ilmek sózder: Qytaı AQSh Olımpıada

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir