Qytaı ǵarysh apparaty Aıdyń arǵy betindegi "jumbaq zatty" zerttemek

Qytaılyq "Iýtý 2" aı roveri Aıdyń arǵy jaǵyndaǵy "jumbaq zat" dep sıpattalǵan tekshe tárizdi nysandy zertteýge bara jatyr.

–"Iýtý 2" mıssııasynyń komandasy rover túsirgen birqatar fotosýretterdi zerttegennen keıin nysandy baıqady, – dep habarlady Qytaıdyń ǵarysh baǵdarlamasyna qatysy bar "Our Space" ǵylymı aqparat taratý quraly.

Jarııalanǵan málimet boıynsha, Aı krateriniń janyndaǵy jumbaq zat "Iýtý 2"-den shamamen 80 metr alysta.

"Bul nárse shynymen qyzyqty. Biz ony zertteý úshin qasyna barýymyz kerek" dedi mıssııa tobynyń ǵalymdary.

Rover nysanaǵa jetýi úshin birneshe aı qajet. О́ıtkeni Aıda Jerdiń ýaqytymen 14 kún kúndiz, 14 kún tún bolady. Kúndiz ǵana qozǵalatyn rover kúnine bir metrden az aralyqqa ǵana jyljı alady.