Almaty oblysynda bıýdjet 98 paıyzǵa oryndalady dep kútilýde

Búgin Almaty oblysynyń ákimi Qanat Bozymbaevtyń tóraǵalyǵymen 2021 jyldyń sońyna deıin bıýdjettiń ıgerilý máselesin talqylaǵan jıyn ótti, dep habarlady Almaty oblysy ákiminiń baspasóz qyzmeti.

Oblystyq qarjy basqarmasynyń basshysy Jasulan Estenov osy taqyrypqa baılanysty qazirgi jaǵdaı týraly baıandady. Onyń aıtýynsha, oblys boıynsha 2022 jyldyń 1 qańtaryna jospar 816,9 mlrd. teńgeni quraıdy, bıýdjettiń boljamdy oryndalý jospary - 98%.

Negizgi baıandamashynyń sózinen keıin oblys ákimi Qanat Bozymbaev munan soń bıýdjettiń ıgerilmeý kórsetkishteri joǵary bolyp otyrǵan birqatar basqarmalardyń basshylaryn, aýdan, qala ákimderin tyńdady. Olardyń qatarynda qurylys, kásipkerlik jáne ındýstrıaldy-ınnovasııalyq damý, bilim, aýyl sharýashylyǵy basqarmalarynyń basshylary, sol sııaqty Alakól, Eskeldi, Kegen, Qarasaı aýdandary men Taldyqorǵan qalasynyń ákimderi bar.

Oblys ákimi Qanat Bozymbaev qalyptasqan jaǵdaıdyń basty sebebi jumystyń tıimdi uıymdastyrylmaýy ekenin eske salyp, olardyń jumysyn qatań synǵa aldy.

Jıyn barysynda jaǵdaıdy jaqsartýǵa baǵyttalǵan birqatar sharalardy qolǵa alý mindetteri júkteldi. Atap aıtqanda, bıýdjettik baǵdarlama ákimshilerine, aýdan, qala ákimderine ekonomıka basqarmasymen birlesip qaıta bólýge jatatyn jergilikti bıýdjettiń shyǵystary boıynsha jumysty pysyqtaýdy, qoldanystaǵy zańnama sheńberinde Ulttyq qordan bólingen bıýdjet qarajatyn barynsha ıgerý sharalaryn qabyldaýdy tapsyrdy.

- Keıbir oblystar respýblıkalyq bıýdjetten jetkilikti kólemde qarjy ala almaı jatady, al sizder barlyq múmkindik jasalyp otyrǵanda ıgermeýge jol berip otyrsyzdar. Bulaı bolmaıdy! Jumysty durys uıymdastyra almaý osyndaı saldarǵa ákep soqtyryp otyr. Sondyqtan tez arada bir aptanyń ishinde jergilikti bıýdjet qarjysyn qaıta bólýdiń tıimdi sharalaryn qabyldaý kerek. Ulttyq qordan bólingen qarjyny sapaly ıgerýge barynsha qol jetkizýge tıispiz. Qurylys nysandaryndaǵy jumystyń kesheýildeýine jol bergen yqylassyz merdiger uıymdardy «qara tizimge» engizip, kelesi jylǵy jobalarǵa qatysýyna jol bermeý kerek! Alys óńirlerden keletin merdigerlerdiń ornyna barlyq qajetti materıaldyq-tehnıkalyq bazasy bar jergilikti uıymdarǵa kóbirek kóńil bólińizder. Oblystyq ekonomıka jáne bıýdjettik josparlaý basqarmasynyń basshysyna jergilikti bıýdjet qarajatyn bólý jumystaryn qaıta qaraýdy, qarjyny joǵary deńgeıde daıynǵy bar naqty jobalarǵa ǵana bólýdi tapsyramyn. Orynbasarlarym ózderi jetekshilik etetin salalar boıynsha bıýdjettiń oryndalýyn jeke baqylaýlaryna alsyn. Shart jasasý jumystaryn aıaqtaýǵa 20 kún qaldy. Sondyqtan bul baǵyttaǵy jumysty shıratý kerek, - dedi Q.Bozymbaev.