03 Jeltoqsan, 2021 Álem
Foto: Ashyq derekkóz
"Soltústik Koreıa qorǵanys, aýyl sharýashylyǵy jáne qurylys salalarynda alǵa jyljýdy jalǵastyrý úshin 2022 jyly óte úlken qarjylyq qıyndyqqa daıyndalýy kerek" dep eskertti Kım Chen Yn.
Kım bul týraly sársenbide Koreıanyń jumys partııasy ortalyq komıtetiniń otyrysynda aıtty.
"Kelesi jyl mańyzdy jyl bolady, óıtkeni biz bıylǵydaı úlken kúres júrgizýimiz kerek" dedi Soltústik Koreıa basshysy.
Soltústik Koreıa memlekettik aqparat agenttiginiń habarlaýynsha, Kım eldiń ekonomıkalyq kúresin jalǵastyrǵanymen, Soltústik Koreıadaǵy bıleýshi partııa esepteletin Jumysshylar partııasy saıası maqsattarǵa qol jetkizip, bıylǵy jyldyń basynda bastaǵan bes jyldyq ekonomıkalyq jospardy oryndaǵanyn aıtty.
Sońǵy ýaqytta alyqaralyq sarapshylar Soltústik Koreıadaǵy asharshylyq qaýpi týraly dabyl qaǵýda. Memleket azyq-túlik daǵdarysyna baılanysty áskerı qordaǵy astyqty qoldanýǵa májbúr bolǵany jarııalanǵan. Sonymen qatar memleket basshysy Kım Chen Yn el azamattaryn tamaqty únemdep jeýge shaqyrǵan bolatyn.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir