• USD 468.56

  • EUR 497.56

  • RUB 7.3

  • CNY 67.18

28 Naýryz, 14:01:45
Almaty
+35°

Foto: Ulttyq mýzeıdiń baspasóz qyzmeti

QR Ulttyq mýzeıinde Qazaqstan Respýblıkasynyń Tuńǵysh Prezıdenti kúni jáne El Táýelsizdiginiń 30 jyldyǵyna arnalǵan «Jarqyn bolashaqtyń Nurly bastaýy» atty kórmeniń ashylýy ótti.

Sonyń ishinde Ult kóshbasshysy, QR Tuńǵysh Prezıdenti – Elbasy N.Á. Nazarbaevtyń qyzmeti jáne ómir jolymen baılanysty shynaıy oqıǵalarǵa negizdelgen kórkemdik jáne derektik máni boıynsha biregeı jádiger bolyp tabylatyn ataqty sýretshi Nıkolaı Iаkovlevıch Tretıakovtyń 1960 jyly salynǵan «Úlken jol aldynda» kartınasy kórermen nazaryna usynyldy.

Is-sharaǵa Qazaqstan Respýblıkasy Parlamenti Senatynyń depýtattary Nurtóre Júsip, Dınar Nóketaeva, Aıgúl Qapbarova, QR Parlamenti Májilisiniń depýtaty Berik Ábdiǵalıuly, Qazaqstan halqy Assambleıasy Tóraǵasynyń orynbasary Maııa Bekbaeva, belgili memleket jáne qoǵam qaıratkerleri, sondaı-aq zııaly qaýym ókilderi qatysty.

Kórmeniń ashylýy saltanatynda Ulttyq mýzeı dırektory A. Muhamedıuly: «Sýrettiń kompozısııasy erekshe! Elbasy Nursultan Ábishuly Almaty oblysy Shamalǵan aýylyna demalysqa barady. Sonda otbasy múshelerimen jáne jerlesterimen kezdesedi. Darqan dalada jınalǵan qaýym arasynda áńgime órbıdi. Eńbekte jáne qoǵamdyq isterde jetken jetistikter baıandalady. Jerlesteri jas belsendiniń áńgimesin bar yntasymen tyńdaıdy. Bul sát áýeli fotoobektıvke túsip, keıin osy týyndyǵa arqaý bolǵan edi», - dedi

Arystanbek Muhamedıuly

О́z kezeginde Qazaqstan Respýblıkasy Parlamenti Senatynyń depýtaty Nurtóre Júsip kórmeniń mańyzdylyǵyna toqtalsa, QR Parlamenti Májilisiniń depýtaty Berik Ábdiǵalıuly kórermen nazaryna usynylǵan týyndynyń ereksheligin jetkizdi.

Tarıhı shyǵarmanyń sıýjeti №8 Kásibı-tehnıkalyq ýchılısheniń túlegi N. Nazarbaevtyń 1960 jyly Almaty oblysy Shamalǵan aýylyndaǵy otbasy múshelerimen jáne jerlesterimen kezdesý sátine qurylǵan. Kezdesýge bolashaq Prezıdenttiń qol jetkizgen jetistikteri týraly baıandalǵan arnaıy maqalanyń «Dzerjınes» gazetinde jaryq kórýi sebep boldy.

Foto: Ulttyq mýzeı baspasóz qyzmeti

Atalǵan kartınanyń ereksheligi aýyldastardyń qýanyshqa toly basqosýyn beınelegen sýretshiniń basty róldegi jas jigittiń kelbeti men minezinen kórnekti qoǵam qaıratkerine tán bolmysyn baıqaýynda. Keıin bul tarıhı tulǵanyń mol erik-jigeri men kemeńgerlik qasıetteriniń arqasynda Qazaqstan álemdik qaýymdastyqqa tanylyp, ári onyń teń quqyly múshesi atanyp, táýelsiz demokratııalyq memleketke aınaldy.

QR Ulttyq mýzeıinde ótken bul kórmege Ult kóshbasshysy N.Á. Nazarbaevtyń fotoqujattary da qoıyldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir