Mektepterde jańa jyldyq erteńgilikterge ruqsat berile me? Mınıstr jaýap berdi

Bilim jáne ǵylym mınıstri Ashat Aımaǵambetov senat otyrysynda mektepterde balalar erteńgiligin ótkizýge qatysty suraqqa jaýap berdi.

Ashat Aımaǵambetovtiń aıtýynsha, búkil bilim júıesi bas memlekettik sanıtar dárigerdiń sheshimine baǵynady.

– Erteńgilikter men basqa da buqaralyq is-sharalarǵa keletin bolsaq6 olar mektepterde ótkizilmeıdi. Bas sanıtar dárigerdiń sheshimi bar, biz bul sheshimderge baǵynamyz. Sondyqtan mektepterde erteńgilikter nemese basqa da buqaralyq is-sharalar bolmaıdy. Merekelerdi bir synyp ishinde ótkizý týraly sheshim mektep ákimshiligi deńgeıinde qabyldanady, – dep jaýap berdi vedomstvo basshysy senat otyrysynda.

Sondaı-aq, mınıstrge "omıkron" shtamynyń taralýyna baılanysty mektep oqýshylaryn qashyqtan oqytý formatyna kóshirý múmkindigi týraly suraq qoıyldy.

– Bul týraly aıtýǵa áli erte, biz vedomstvoaralyq komıssııanyń sheshimderi aıasynda jumys isteımiz. Qazirgi ýaqytta qorytyndy shyǵarýǵa aqparat jetkiliksiz, – dep túsindirdi mınıstr.