02 Jeltoqsan, 2021 NEWS
Qytaı avtokólikteri Qazaqstan naryǵyna batyl túrde enip jatyr
Eki qytaılyq temir tulpar Qazaqstandaǵy TOP-15 brend qatarynda, jaqynda taǵy bir brend kólikteriniń saýdasy bastalmaq.
2018 jylǵy JAC S3 kóligi/Foto: aster.kz
Qazan aıynda Qazaqstandaǵy dıllerler 9,3 myń jeńil kólik satqan. Bul – byltyrǵy sáıkes kezeńge qaraǵanda 3,6 paıyzǵa joǵary, dep habarlady energyprom.kz saıty.
Al Eýropada kerisinshe, kólik saýdasy 29,3 paıyzǵa túsip, Eýropa naryǵy tarıhyndaǵy eń nashar jaǵdaıdy kórsetken.
2021 jylǵy qańtar-qazan aılarynda Qazaqstanda 96,8 myń kólik satylǵan. Bir jyl burynǵy kórsetkish budan 31,9 paıyzǵa tómen.
Satylǵan kólikter tiziminde Chevrolet (25 myń), Hyundai (19,4 myń) jáne Toyota (11,4 myń) markalary kósh bastap tur.
Sońǵy derekter qytaılyq kólikterdiń naryqtaǵy úles salmaǵy belsendi túrde artyp kele jatqanyn kórsetken. Úles 2,1 paıyzdan 3,1 paıyzǵa deıin ósken. Eldegi eń tanymal 15 brend qataryna qataılyq eki marka engen.
JAC brendi jyl basynan beri 2,2 myń kólik satyp 10-orynda tursa, 833 kólik satqan Haval brendi úzdik 15-ti túıindegen. Sońǵysy satýdy sáýir aıynda bastaǵan. Sondaı-aq jeltoqsanda Chery dep atalatyn taǵy bir qytaılyq kompanııa kólikteriniń satylymy bastalmaq.
Osyǵan uqsas jaǵdaı Reseıde de baıqalyp otyr. Kórshi eldiń kólik naryǵynda qytaılyq kólikterdiń úlesi bir jylda eki esege jýyq artyp, 3,6 paıyzdan, 6,3 paıyzǵa deıin jetken.
Mamandar Chery brendiniń Reseıdegi qarqyndy tanymaldyǵyn eskerip, mundaı tendensııa Qazaqstanda da qaıtalanýy múmkin ekenin aıtady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir