02 Jeltoqsan, 2021 NEWS
Foto: REUTERS / Nikolai Petrov/BelTA
Belarýs prezıdenti Aleksandr Lýkashenko reseılik RIA "Novostı" basylymyna bergen suhbatynda Reseımen ortaq valıýta engizý máselesinde rýbldi qoldanýdy quptaıtynyn aıtyp, ortaq valıýtaǵa kóshý buryn-sońdy bolmaǵan ıntegrasııanyń joǵary deńgeıin kórsetetinin atap ótti.
– Bul – biz buryn-sońdy kelmegen ıntegrasııanyń jańa deńgeıi. Soǵan jetkende sheshim qabyldanady. Ortaq valıýtaǵa kezeń-kezeńmen kelýimiz kerek, sondyqtan áreket eteıik. Mine, reseılik rýbl tur. Biz kezinde Elsınmen (Reseı federasııasynyń tuńǵysh prezıdenti - red) ortaq valıýta týraly kelisim jasaǵanymyzda belarýstik te, reseılik te emes, úshinshi valıýta bolatynyn aıtqanbyz. Biraq búginde biz de, sizder de (Reseı - red.) rýbldi qoldanyp otyrǵanda basqasyn oılap tabýdyń keregi qansha? Oǵan ataý berip júremiz be, odan da rýbl-aq bola bersin, – dedi ol.
Búginde resmı Mınsk belarýs rýblin, Máskeý Reseı rýblin qoldanady. Eki valıýtanyń baǵamy shamalas.
4 qarashada qos eldiń prezıdenti ekijaqty odaqtastyq baǵdarlamasy aıasynda ıntegrasııalyq dekterke qol qoıǵan. Kelisimdi júzege asyrý ondaǵan zańnamalyq ózgeristerdi qajet etedi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir