Ońdasyn Orazalın jumys saparymen Temir aýdanynda boldy

24 qazan, jeksenbi kúni Aqtóbe oblysynyń ákimi Ońdasyn Orazalın Temir aýdanyna jumys saparymen bardy. О́ńir basshysy jolda Respýblıkalyq mańyzy bar "Aqtóbe - Qandyaǵash" avtojolyn qaıta jóndeý barysyn qarap shyqty.

Esterińizge sala keteıik, "Aqtóbe-Qandyaǵash" ýchaskesindegi qurylys – montajdaý jumystary bıyl 11-100 shaqyrym aralyǵynda bastalǵan bolatyn. Jobanyń júzege asyrylý barysy týraly "QazAvtoJol "UK" AQ Aqtóbe fılıalynyń basshysy Marat Mahambetov esep berdi.

"Eki merdiger uıym jumyldyryldy. Qazirgi tańda 18 shaqyrymǵa asfalt jabyndysy tóselse, onyń 10 shaqyrymyna eki qabattan tóseldi. Sol on shaqyrymy kólik qozǵalysyna ishinara ashyq. Jobany júzege asyrý 2023 jylǵa deıin jalǵasyp, 18 kópir men 66 sý ótkizetin qubyrlar qalpyna keltirilip, salynady. Budan ózge, Aqkemer aýylynyń janynan jergilikti turǵyndardyń ótinishimen mal aıdaıtyn malótkel salyndy, bul jobada qarastyrylmaǵan", - dedi Marat Mahambetov.

Tekserý qorytyndysy boıynsha oblys ákimi jumystardyń joǵary sapasyn qamtamasyz etý jáne olardy iske asyrý merzimderin saqtaý boıynsha birqatar tapsyrmalar berdi.

О́ńir basshysy Temir aýdanynyń Qopa aýylyndaǵy jańa dárigerlik ambýlatorııa ǵımaratynyń ashylýyna qatysty. Medısınalyq mekeme bir aýysymda 40 kelýshige arnalǵan. Onyń qurylysyna memleket 115 mıllıon teńge jumsady.

"Mundaı ambýlatorııanyń salynǵanyna óte qýanyshtymyz. Burynǵy ǵımarat tolyǵymen tozǵan edi. Ony ózińiz de kórdińiz. Qazir bizde barlyǵy bar, degenmen kóshelerdiń asfalttalǵanyn qalaımyz", - dedi Qopa aýylynyń turǵyndary oblys ákimine.

"Bıyl aýyldyq eldi mekenderdi elektr, gaz, sý, jol ınfraqurylymymen qamtamasyz etý boıynsha úlken jumystar atqaryldy. О́tken jyly sizdiń aýylyńyzdaǵy kireberis jol asfalttaldy, endi negizgi kóshelerdegi joldardy jóndeýge kirisemiz.", - dedi Ońdasyn Orazalın.

"Oblys jol máselesi jaǵynan artta qalǵandardyń biri boldy. Sońǵy 2-3 jylda bul máseleni sheshýge jalpy ótken 7-8 jylda qansha qarajat bólinse, sonsha qarajat bólindi. Bıyl biz oblystyń qanaǵattanarlyq jaǵdaıdaǵy joldarmen qamtamasyz etilýin 66 paıyzǵa deıin arttyrýdy kózdep otyrmyz. Oblystyń barlyq aýdandarynda aýdandyq joldarmen qatar, oblystyq jáne respýblıkalyq mańyzy bar joldarynda de jumystar júrgizilip jatyr. Eldi mekenderdiń kóshelerindegi joldardy da aýqymdy túrde jóndep jatyrmyz. Keler jyly qarqyn men kólemdi ulǵaıtamyz, óıtkeni joldyń jaǵdaıy – kásipkerlik pen jalpy oblys ekonomıkasyn damytýda negizgi másele", - dep jalǵastyrdy oblys ákimi.

О́ńir basshysy Qopa aýylynyń turǵyndaryna aýyldy jáne olardyń úılerine irgeles aýmaqtardy taza ustaǵandary úshin alǵys bildirdi.
О́ńir basshysy Temir aýdany Shubarqudyq kenti aýdanynda 1815-1896 jyldary ómir súrgen kórnekti dinı qaıratker Dosjan hazrettiń memorıaldyq kesheninde boldy.

Dosjan haziret balalardy dinı saýatqa úıretip, kóptegen meshitterdiń qurylysyna óz úlesin qosty. Onyń tikeleı basshylyǵymen Dońyztaýda Qaınar meshiti, Oıyl ózeniniń boıynda Ishan ata meshiti salyndy.
О́tken jyly demeýshilik qarajat esebinen Dosjan Qashaqulynyń jerlengen jerinde keseneni, qonaq úıdi jáne sharýashylyq-turmystyq obektilerdi salýmen aýqymdy túrde qalpyna keltirý jumystary bastaldy. Sonymen qatar, keshen aýmaǵynda ornalasqan Dosjan hazrettiń ejelgi meshitiniń qaldyqtary saqtalǵan.

Ońdasyn Orazalın aýdan ákimi men tıisti basqarma basshylaryna kıeli nysandardy saqtaý jáne kópshilikke nasıhattaý, sondaı-aq týrıstik salany júıeli negizde damytý boıynsha jumystar júrgizýdi tapsyrdy.
Dál osy kúni Shubarqudyqta tushpara óndiretin jańa seh ashyldy. Quny 40 mıllıon teńgeni quraıtyn jobany "Agrobıznes" baǵdarlamasy aıasyndaǵy memlekettik qoldaýdyń arqasynda jeke kásipker Sultanbek Jonısov iske asyrdy. Seh qýattylyǵy táýligine 500 keli et óńdeýge eseptelgen. Seh janynda et pavılony ashyldy. Negizgi shıkizat jeke bordaqylaý alańynan jetkiziledi.

Jumys sapary jańa saıabaqtyń ashylýymen, Shubarqudyq kentiniń Qyzyljar shaǵyn aýdanynda sýmen jabdyqtaý júıesiniń jáne eki jańa avtojoldyń qurylys barysyn tekserýmen aıaqtaldy.

Aýdan ákimine iske asyrylyp jatqan jobalardyń barysyn turaqty baqylaýda ustaý, olardyń sapaly jáne ýaqtyly aıaqtalýyn qamtamasyz etý tapsyryldy.