• USD 424.85

  • EUR 504.21

  • RUB 5.84

  • CNY 65.86

22 Qańtar, 11:51:52
Almaty
-3°

Reseı prezıdenti Vladımır Pýtın NATO Ýkraınada áskeri men qarý-jaraǵyn ornalastyrǵanyna baılanysty eskertý jasady. Ol bul áreket Reseı úshin qyzyl syzyq bolyp esepteletinin jáne oǵan qatań jaýap beriletinin málimdedi.

Batys elderi Reseı Ýkraınaǵa basyp kire ıme dep qaýiptenip otyr. Al Pýtın NATO-nyń Reseı shekaralary mańyndaǵy jattyǵýlaryna alańdaıtynyn jetkizdi.

Onlaın-ınvestısııalyq forýmǵa qatysýshylarmen sóılesý kezinde Reseı prezıdenti NATO-nyń shyǵysqa qaraı keńeıýi Máskeýdiń negizgi qaýipsizdik múddelerine qater tóndirgenin aıtty. Ol "NATO Ýkraına aýmaǵyn Reseıdiń basqarý ortalyqtaryna nebári bes mınýtta jetýge qabiletti zymyrandardy ornalastyrý úshin paıdalana alady" dep alańdaýshylyq bildirdi.

"Mundaı qaýipterdiń paıda bolýy biz úshin qyzyl syzyqty bildiredi. Jahandyq qoǵamdastyq úshin parasattylyq pen jaýapkershilik jeńedi dep úmittenemin" dedi Pýtın.

Ol Máskeý jańa gıperdybystyq qarýdy jasaý arqyly kúsheıip kele jatqan qaýipterge qarsy turýǵa májbúr bolǵanyn aıtty.

"Biz ne isteýimiz kerek? Bizge qaýip tóndiretinderdiń ózderine sondaı jaǵdaı ázirleımiz. Biz muny qazir de jasaı alamyz" dedi Pýtın.

"Qamshy" silteıdi
Ilmek sózder: Pýtın Reseı

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir