Ulttyq bank alaıaqtar kóbeıip ketýine baılanysty málimdeme jasady

"Qastyq oılaǵandar telefon arqyly baılanysqan kezde bank shotynyń nómirleri men nesıeniń bar-joǵy týraly aqparatty suraıdy. Sonymen birge, «tehnıkalyq monıtorıng» maqsatynda degen jeleýmen azamattardan tólqujat derekterin, atap aıtqanda, JSN málimetterin bilgisi keledi. Alaıaqtar, sonymen qatar tekserý úshin dep shot ashýdy nemese testik-rejımde nesıe alýǵa ótinish berýdi jáne úshinshi taraptyń shotyna aqsha aýdarýǵa úndeıdi.

Ulttyq Bank aqsha jiberińiz degen elektrondy hattar men belgisiz nómirlerden túsken qońyraýlarǵa jaýap bermeýge keńes beredi. Belgisiz bank shottarynyń rekvızıtteri kórsetilgen aıaq asty aqshaǵa tap bolasyz degen habarlama nemese telefon qońyraýy kóbinese alaıaqtardyń áreketi bolyp shyǵady" delingen aqparattyq habarlamada.

Sondaı-aq Ulttyq bank jeke tulǵalardyń shottaryna qyzmet kórsetpeıtinin, aqshalaı esep aıyrysý men mámileler jasamaıtynyn eskertti.

Ulttyq Bankte shottardy tek qana Ulttyq Banktiń, ekinshi deńgeıli bankterdiń, shekteýli zańdy tulǵalardyń operasııalaryn esepke alý úshin ashylady.

"Ulttyq bankten" aqsha aýdaryńyz degen sıpatta kúmándi hat kelse nemese qońyraý tússe, quqyq qorǵaý organdaryna aryzdaný qajet" deıdi bank ókilderi.