• USD 468.9

  • EUR 485.64

  • RUB 7.7

  • CNY 66.1

01 Jeltoqsan, 09:47:47
Almaty

«Nur Otan» partııasynyń Qoǵamdyq saıasat ınstıtýty uıymdastyrǵan «Qazaqstannyń partııalyq-saıası júıesiniń evolıýsııasy: syn-qaterler, jetistikter men keleshegi» atty eki kúndik halyqaralyq forým aıasynda sheteldik jáne otandyq sarapshylar, 15 eldiń saıası partııalary men halyqaralyq uıymdarynyń ókilderi óz pikirlerimen bólisýdi jalǵastyrýda.

Ulybrıtanııadan kelgen Halyqaralyq saıası keńesshiler qaýymdastyǵy dırektorlar keńesiniń múshesi Rıchard Mıorfı «Nur Otan» partııasy ótkizgen praımerızderdi joǵary baǵalady.
«Praımerız – bul partııa ishindegi úderisterdi demokratııalandyrýǵa baǵyttalǵan óte mańyzdy jáne maǵynaly qadam dep esepteımin. «Nur Otan»-nyń partııaishilik saılaýyna 10 myń kandıdat qatyssa, onyń 40%-y – áıelder, úshten biri – jastar. Bul – maqtanýǵa turarlyq kórsetkish. Partııalar úshin evolıýsııa óte mańyzdy. О́ıtkeni únemi jańa syn-qaterler paıda bolady, al olarǵa qarsy turý úshin oǵan beıimdelý qajet. Men álemdegi eń kóne jáne tabysty partııa – Brıtandyq Konservatıvtik partııanyń múshesimin. Qazir bul men 40 jyl buryn qosylǵan partııa emes. Ol ózgerdi, ár 10 jyl saıyn ózgeredi. Saıası partııalar adamdardyń kelýin kútip otyra almaıdy, olarǵa ózderi barýlary kerek, proaktıvti bolýy qajet. Biz «Nur Otan»-nyń dál osylaı áreket etetinin kórip otyrmyz jáne onyń bolashaǵy jarqyn bolatynyna senimdimin»», - dep óz oıymen bólisti Ulybrıtanııadan kelgen sarapshy.

О́zbekstannyń Lıberaldy-demokratııalyq partııasynyń ókili Bahtıer Iаkýbovtyń pikirinshe, partııaaralyq baılanys eki eldiń jahandyq syn-qaterlerdi eńserýdegi tıimdiligin arttyrady.

«Qazaqstan Táýelsizdiktiń 30 jyly ishinde birtutas qoǵam qalyptastyryp, myqty memleket qurdy. Bul jetistikter sózsiz «Nur Otan» Lıderi Nursultan Nazarbaevtyń esimimen baılanysty. О́tken parlamenttik saılaýdaǵy «Qıyndyqty eńserip, jeńiske birge jetemiz!» degen partııanyń urany onyń jalpy halyqtyń múddesine barynsha arqa súıeýge umtylatynyn áıgileıdi. Biz dostyqqa, tatý kórshilikke jáne strategııalyq seriktestikke negizdelgen ekijaqty qatynastardyń qazirgi joǵary deńgeıine rızashylyq bildiremiz. Sonyń arqasynda biz qazirgi zamannyń jahandyq syn-qaterlerine laıyqty jaýap bere alatynymyzǵa senimdimin», - dep atap ótti Bahtıer Iаkýbov.

Aqparat jáne saıası taldaý ortalyǵynyń dırektory, Ortalyq Florıda ýnıversıtetiniń professory Hoýman Sadrıdiń aıtýynsha, praımerız amerıkandyq partııalyq júıege tán jáne eýropalyq júıege qarama-qaıshy.

«Sebebi Eýropada barlyq máseleler boıynsha túıindi partııa jetekshileri jasaıdy. Sondyqtan, saıasattanýshy retinde men úshin, osy jaǵdaılardyń amerıkandyq jáne eýropalyq júıelerdiń elementterin biriktiretin Qazaqstanda qalaı júzege asyp jatqany zor qyzyǵýshylyq týdyrady», - dedi Hoýman Sadrı.

Reseılik sarapshy, «Valdaı» halyqaralyq pikirtalas klýbynyń baǵdarlamalyq dırektory Tımofeı Bordachıov partııalarǵa jas býynmen aradaǵy dıalogty nyǵaıtýǵa nazar aýdarý qajet dep esepteıdi.

«Meniń oıymsha, Reseı men Qazaqstannyń ortaq múddeleri men bir-birine túsinikti strategııalary bar ekenine eshkimniń kúmán joq. Onyń ishinde partııalyq qurylys jáne saıası uıymdar salasy da bar. Qazir bizde jańa býyn ósip keledi jáne 10 jyldan keıin Reseıdiń syrtqy saıası sheshimderin múldem basqasha oılaıtyn adamdar anyqtaıdy. Olar áldeqaıda pragmatık jandar. Menińshe, eki eldiń jas partııalyq mamandarynyń dıalogy – bizdiń birlesken jumysymyzdyń basty baǵyty», - dep atap ótti Tımofeı Bordachev.

Eske sala keteıik, 600-den astam sheteldik jáne otandyq sarapshylar, saıası partııalardyń, halyqaralyq uıymdardyń jáne 15 eldiń, onyń ishinde Reseı, Qytaı, AQSh, Eýropa, Túrkııa, Ázirbaıjan jáne Ortalyq Azııa dıplomatııalyq korpýsynyń ókilderi saılaý júıelerin damytýdyń ózekti máselelerin, zamanaýı elektoraldyq trendterdi, dástúrli jáne balama ıdeologııalardyń keleshegin talqylaý úshin paneldik sessııalarǵa qatysýda.

Foto: NurOtan partııasynyń baspasóz qyzmeti

Foto: NurOtan partııasynyń baspasóz qyzmeti

Foto: NurOtan partııasynyń baspasóz qyzmeti

"Qamshy" silteıdi
Ilmek sózder: NurOtan praımerız

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir