Shymkentte «Aıaly alaqan» ońaltý ortalyǵy ashyldy

Búgin Táýelsizdiktiń 30 jyldyǵyna oraı, búgin «Juldyzdy 30 kún» is-sharalar jospary aıasynda qalamyzda erekshe baldardyń damýyna túzetý kómegin kórsetetin «Aıaly alaqan» ońaltý ortalyǵy ashyldy.

Atalǵan ortalyq qalalyq jumyspen qamtý jáne áleýmettik qorǵaý basqarmasyna qarasty «Halyqqa áleýmettik qyzmet kórsetetin qalalyq aýmaqtyq ortalyǵy» mekemesi ishinen ashylyp otyr.

Munda kez kelgen balanyń birqalypty jáne jan-jaqty damýyna baǵyttalǵan qajettiniń bári bar. Ortalyqta stasıonar jaǵdaıda 40-qa jýyq balaǵa deıin qyzmet kórsetedi. Aıta ketsem, medısınalyq-áleýmettik mekeme em-sharalyq, sporttyq jáne ózge de qyzmet kórsetetin bólmelermen jabdyqtalǵan. Demek, bul nysan balalardyń psıhologııalyq jáne fızıkalyq turǵydan qabiletterin damytýǵa arnalǵan em-dom sharalaryna múmkindik beretin ońaltý ortalyǵyna aınalǵaly tur.
Ár erekshe balanyń damýyna túzetý kómegin kórsetetin munda arnaıy mamandar jumys isteıtin bolady.Atap aıtsaq, pedagog-psıholog, defektolog, logoped jáne t.b.

Búgingi tańda ókinishke oraı, Daýn sındromyna, aýtızmge shaldyqqan sábıler qatary bar. Degenmen, sheteldik ǵalymdar kez kelgen sındrommen týylǵan balany qalypty ómirge beıimdeýge bolatynyn aıtady. Týa sala taǵdyr taýqymetin tartqan mundaı jetkinshekter ata-ana men arnaıy mamandardyń kómegine muqtaj. Sol sebepti, mundaı ortalyqtar balalarǵa kómek kómek kórsetip, ósip-damýyna septigin tıgizetinine senemin.

Eń bastysy, balalarymyz syrqamaı, olardyń júzderindegi kúlkisin kórgen ár bir ana baqytqa kenelsin!