Qazaqstanda shekteý sharalary kúsheıtiledi

Densaýlyq saqtaý birinshi vıse-mınıstri Marat Shoranov úkimet otyrysynda "Omıkron" shtamynyń paıda bolýyna baılanysty elde birqatar shekteý sharalary kúsheıtiletinin habarlady.

– Koronavırýstyq ınfeksııa "Omıkron" shtamynyń jańa nusqasy paıda bolýyn eskere otyryp, ony respýblıka aýmaǵyna ákelýge jol bermeý maqsatynda vedomstvoaralyq komıssııa 3 jeltoqsannan bastap shekteý sharalaryn engizý týraly sheshim qabyldady, – dedi M. Shoranov.

Engiziletin shekteý is-sharalary tómendegideı:

• Botsvana, Lesoto, Namıbııa, Zımbabve, Mozambık, Madagaskar, Esvatını, Malavı, Ontústik Afrıka, Tanzanııa jáne Gonkongtan shetel azamattarynyń Qazaqstanǵa kelýine shekteý qoıylady;
• "Omıkron" nusqasynan týyndaǵan KVI jaǵdaılary anyqtalǵan Izraıl, Chehııa, Nıderlandy, Belgııa, Ulybrıtanııa, Italııa, Germanııa, Avstralııa, Kanada jáne Egıpetten keletin adamdar úshin vaksınasııasy bar-joǵyna qaramastan mindetti PTR testileýdiń bar bolýy engiziledi;
• "Omıkron"-nan týyndaǵan KVI jaǵdaılary anyqtalǵan elderden kelgen adamdar PTR nátıjesine qaramastan 7 kúnge úı karantınine oqshaýlanady.