Koronavırýstan taǵy 17 adam kóz jumdy, 1 óńir “qyzyl” aımaqta

Densaýlyq saqtaý mınıstrligi 26 qarasha kúngi epıdemıologııalyq jaǵdaı týraly aqparatty jarııalady.

Mınıstrlik málimetinshe, ótken táýlikte PTR test arqyly 905 adamnan koronavırýs, 91 adamnan pnevmonııa anyqtalǵan. 25 qarashada 16 adam koronavırýstan, 1 adam pnevmonııadan kóz jumǵan.

27 qarashadaǵy málimet boıynsha, 27 183 adam koronavırýs ınfeksııasynan emdelýde, olardyń ishinde 5 691 pasıent stasıonarda, 21 492 naýqas ambýlatorııalyq deńgeıde em qabyldaýda.

Indetke shaldyqqandar arasynda 413 adamnyń jaǵdaıy aýyr, 130 pasıenttiń jaǵdaıy óte aýyr, 90 naýqas О́JJ apparatynda jatyr.

Qazaqstan óńirlerindegi epıdemıologııalyq ahýaldy baǵalaý matrısasyna sáıkes Soltústik Qazaqstan oblysy ǵana Qyzyl" aımaqta.

Nur-Sultan qalasy, Pavlodar, Aqmola, Qaraǵandy, Qostanaı oblystary "Sary" aımaqta.

"Jasyl" aımaqta: Almaty, Shymkent qalalary, Atyraý, Aqtóbe, Almaty, Batys Qazaqstan, Túrkistan, Jambyl, Qyzylorda, Mańǵystaý, Shyǵys Qazaqstan oblystary.

27 qarashadaǵy málimet boıynsha 8 704 029 adam vaksınanyń I komponentin, 8 042 531 adam II komponentin saldyrǵan.