• USD 424.85

  • EUR 504.21

  • RUB 5.84

  • CNY 65.86

22 Qańtar, 11:01:22
Almaty
-4°

Májilis depýtaty Berik Ábdiǵalıuly "Qazaq tili" qoǵamynyń prezıdenti bolyp saılandy. Bul týraly májilis depýtaty Aıdos Sarym facebook paraqshasynda habarlady.

 

"Qazaq tili" qoǵamynyń quryltaıy belgili qoǵam jáne memleket qaıratkeri, Májilis depýtaty Berik Ábdiǵalıulyn Qoǵamnyń prezıdenti qylyp biraýyzdan saılady" delingen depýtat jazbasynda.

 

"Qazaq tili" qoǵamy – qazaq tilin, mádenıetin, ádebıetin, tarıhyn oqyp-úırenýge, ádet-ǵurpyn, turmys-saltyn saqtap, ony odan ári damytýǵa yqylasty qazaq jáne basqa ult ókilderiniń basyn biriktiretin erikti uıym.

Uıym 1989 jyly Almaty qalasynda ótken 1-quryltaıda qurylǵan. Onda "Qazaq tili" qoǵamynyń Jarǵysy men Baǵdarlamasy qabyldanyp, mindetteri aıqyndaldy.

Qoǵamdyq uıym jumysyn QR Konstıtýsııasy, Til týraly Zańy, óziniń Jarǵysy jáne halyqaralyq quqyqtyq, adamgershilik normalar negizinde júrgizedi.

Qoǵamnyń maqsaty – qazaq tiliniń respýblıkada jáne odan tys jerlerde keńinen qoldanylýyna baılanysty memlekettik, qoǵamdyq ár túrli uıymdar men ulttyq mádenı ortalyqtarǵa, jeke azamattarǵa kómek kórsetý.

Uıymdy buǵan deıin uzaq jyldar akademık О́mirzaq Aıtpaev basqarǵan. Ǵalym 2020 jyly ómirden ótkennen keıin ýaqytsha tóraǵalyq belgili fılolog Erden Qajybekke ótken.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir