Stýdentter arasynda dinı ekstremızmniń aldyn alý sharalary ótti

Shymkent qalasy Qarataý aýdany Saıram turǵyn alabynda ornalasqan Orta Azııalyq medısınalyq kolledjinde jastar arasynda dinı ekstremızm men terrorızmniń aldyn alý, destrýktıvti dinı aǵymdardyń ıdeologııasyna qarsy ımmýnıtet qalyptastyrý, dástúrli qundylyqtardy nasıhattaý baǵytynda stýdenttermen kezdesý ótti.

Kezdesý barysynda Qarataý aýdany ákimi apparaty qyzmetkeri jáne Din máseleleriniń zertteý ortalyǵynyń teolog mamany, mindetti medısınalyq áleýmettik saqtandyrý qorynyń mamandary stýdentterge dinı ekstremızım jáne mindetti medısınalyq áleýmettik saqtandyrý boıynsha baıandama oqydy.

Stýdentterge aqparattyq-túsindirý jumystary barysynda qazirgi kezdegi dinı ahýal týraly stýdentterdiń pikirleri suraldy jáne stýdentter tarapynan qoıylǵan suraqtarǵa mamandar tarapynan tolyqtaı jaýap berildi.

Shymkent qalasynyń Aqparattyq-kommýnıkasııalyq ortalyǵy