• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 01:12:21
Almaty
+2°

Qazaqstanda suranysqa saı kelmeıtin 50 mamandyq boıynsha kolledjderde oqytý toqtatyldy. Bul týraly bilim jáne ǵylym mınıstrligi habarlady.

Búginde kolledjderde synama irikteýshi, sham jasaýshy, gýverner, zańger-konsýlt jáne taǵy basqa mamandyqtar boıynsha qabyldaý toqtatyldy. Sondaı-aq jikteýshiden "Bilim berý uıymynyń zerthanashysy", "Patenttaný" jáne basqa da mamandyqtar alynyp tastaldy. 

Bilim júıesindegi bul jumystar, eńbek naryǵyndaǵy suranystarǵa saı kelýi úshin jasalǵan. Endigi kezekte oqý prosesine jańa bilim berý baǵdarlamalary engizilip jatyr.

– Bizdiń basty maqsatymyz – bilim berý baǵdarlamalary men oqytylatyn mamandyqtardy jumys berýshilerdiń zamanaýı suranystaryna sáıkestendirý. Sondyqtan biz úlken taldaý jumystaryn júrgizip, eńbek naryǵyna monıtorıng júrgizdik. Jumys berýshilermen jáne salalyq qaýymdastyqtardyń ókilderimen kezdestik. Olardyń usynystaryn eskere otyryp, mamandyqtar jikteýishisin jańarttyq. 

Endi qazaqstandyq kolledjderde "Robototehnıka jáne endirilgen júıeler", "Nanomaterıaldar negizindegi buıymdar tehnologııasy", "О́ndiristiń addıtıvti tehnologııalary", "Qashyqtan basqarylatyn avıasııalyq júıe", "Ǵımarattardy jobalaý men paıdalanýdyń avtomattandyrylǵan júıeleri", "Jylyjaı sharýashylyǵyn uıymdastyrý","Grafıkalyq jáne mýltımedııalyq dızaın", "Tas óńdeý óndirisi", "Landshaftyq dızaın", "Jyljymaıtyn múlikti basqarý", "Destınasııany basqarý", "Qurylystaǵy smetalyq is", "Eńbekti qorǵaý jáne tehnologııalyq prosesterdiń qaýipsizdigi" jáne basqa da jańa mamandyqtar oqytylady, – dedi bilim jáne ǵylym mınıstrligi tehnıkalyq jáne kásiptik bilim berý departamentiniń dırektory Nasymjan Ospanova.  

 
"Qamshy" silteıdi
Ilmek sózder: kolledj

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir