• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 01:40:21
Almaty
+2°

Aqyn, dıssıdent Aron Atabektiń múrdesi týystaryna berildi, dep habarlaıdy Qamshy tilshisi.

Oppozısıoner aqynnyń denesi keshe túnnen beri Almaty qalasy Qalqaman yqshamaýdanyndaǵy máıithanada bolǵan.

Ol jerde oǵan sot-medısınalyq saraptama jasalǵan. Alaıda Aron Atabektiń jaqtastary men qyzy táýelsiz sarapshylardyń saraptamasyna ǵana senetinin aıtqan.

Belsendiler túrmede bolǵan sońǵy birneshe aıda densaýlyǵy kúrt nasharlap ketken Aron Atabekti túrmede ýlaǵan bolýy múmkin degen pikirde.

– Sap-saý, zińgitteı adamnyń sońǵy jeti aıda nasharlaı bastaǵany kúdik týdyrady. Ol ózi maǵan orysshalap "zdorov kak byk" dep aıtqan. Jattyǵý jasap turǵanyn da óz aýzynan estigem. Alaıda ol 7 aıdyń ishinde álsireı bastady. Bir kúni tańerteń turǵanda "qulaǵym taskereń bolyp qaldy", dedi. Odan keıin eki qoly istemeı qalýdy shyǵarǵan. Sóıtip 7 aıdyń ishinde konslagerden shyqqandaı bolyp otyr. Shynyn aıtqanda bizge tiri ólik qylyp jiberdi, – deıdi belsendi Muratbek Esenǵazy.

Belsendi Qydyráli Orazuly facebook paraqshasynda "Aron Atabektiń janasazy 26 qarasha saǵat 10-00-de Almaty qalasy Almaarasan ekopostyna jetpeı oń jaqta ótedi" dep jazdy. Sózinshe, marqum Baǵanashyldaǵy zıratta jerlenedi.

Aqyn, dıssıdent, oppozısıoner, Shańyraq oqıǵasynan keıin 18 jylǵa sottalyp, jýyrda densaýlyq jaǵdaıyna baılanysty bosatylǵan Aron Atabek keshe qaıtys bolǵan.

Bıyl 1 qazanda Pavlodar soty 2006 jylǵy Shańyraq oqıǵasynan keıin 18 jylǵa sottalǵan Aron Atabektiń qalǵan jaza merzimin bostandyǵyn shekteý jazasyna aýystyryp, aqyndy "densaýlyq jaǵdaıyna baılanysty" túrmeden shyǵarǵan. Aqyn buǵan qarsylyq tanytyp, ózin tolyq aqtaýdy talap etken.

5 qazan kúni belsendiniń jaǵdaıy kúrt nasharlap, aýrýhanaǵa shuǵyl jetkizilgen. Keıin Atabektiń aýrýhanaǵa jatýdan bas tartqany belgili boldy. Artynsha ol úıinde jasandy tynys alý apparatymen demalyp jatqany habarlandy.

Artynsha Aron Atabektiń densaýlyǵy nasharlap komaǵa túskeni, jeke klınıkada jatqany habarlanǵan. Uzamaı beti beri qaraǵany týraly aqparat shyqqan.

Aron Atabek 15 jyldan astam ýaqyt túrmede otyrdy. Ol 2006 jylǵy "Shańyraq" oqıǵasynan keıin 18 jylǵa sottalǵan. Sot Atabekti "Shańyraq" oqıǵasy kezinde qaza tapqan polısııa qyzmetkeriniń ólimine aıypty dep tanyǵan.

Keı belsendiler aqynnyń túrmeden bosatylýyn "bılik Aron túrmede ólip qaldy dep jaman atty bolmas úshin bosatty" dep túsindiredi.

"Qamshy" silteıdi
Ilmek sózder: Aron Atabek

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir