"Burqasyn, kóktaıǵaq, qar". Qazaqstannyń 13 óńirinde daýyldy eskertý jarııalandy

"Qazgıdromet" Qazaqstannyń 13 óńirinde daýyldy eskertý jarııalanǵanyn habarlady. 

25-26 qarasha kúnder Nur-Sultan jáne Shymkent qalalarynda jeldiń ekpini sekýndyna 15-20, keı jerlerde 23 metrge jetedi dep kútilýde. 

Aqmola oblysynyń ońtústik-shyǵysynda jaıaý burqasyn, kóktaıǵaq bolýy yqtımal.

Ońtústik-batystan soǵatyn jel soltústikke, soltústik-batysqa aýysady, kúndiz oblystyń shyǵysynda ekpini 15-20 m/s jel soǵýy múmkin.

Aqtóbe oblysynyń ońtústiginde kóktaıǵaq bolady.

Shyǵys Qazaqstan oblystyń soltústik bóliginde kúndiz qatty jaýyn-shashyn (jańbyr, qar) jaýady. О́ńirdiń soltústik bóliginde jaıaý burqasyn kútiledi. Joldarda kóktaıǵaq bolady. Jel ońtústikten, ońtústik-batystan soǵady, oblystyń soltústiginde, batysynda 15-20, ekpini 25 m/s jel soǵýy múmkin. 

Jambyl oblysynda 25-26 qarasha kúnderi óńirdiń soltústik-shyǵysynda jáne taýly, taý bókterli aýdandarynda qatty jaýyn-shashyn (jańbyrdyń sońy qarǵa ulasady) bolady. Al 26-27 qarashada oblystyń soltústiginde jáne taýly, taý bókterli aýdandarynda tuman, kóktaıǵaq bolady dep kútilýde.

Ońtústik-batystan soǵatyn jel soltústik-shyǵys jeline aýysady, oblystyń ońtústik-batysynda, soltústik-shyǵysynda jáne taýly aýdandarynda jel jyldamdyǵy 15-20 m/s deıin jetedi. 25 qarashada kúndiz, 26-27 qarashada táýlik boıy ekpini 23-28 m/s bolatyn jel soǵýy yqtımal.

Batys Qazaqstan oblysynda jel soltústikten ońtústik-batysqa aýysyp soǵady, oblystyń soltústiginde, ońtústik-shyǵysynda ekpini 15-20 m/s jel soǵýy múmkin. 

Qaraǵandy oblysynyń batysynda, soltústiginde, shyǵysynda jaıaý burqasyn, kóktaıǵaq, oblystyń ońtústiginde tuman kútiledi. Ońtústik-batystan soqqan jel soltústikke aýysady, oblystyń shyǵysqa aýysady. Ortalyqta ekpini 23 m/s jel soǵady dep kútiledi.

Qostanaı oblysynyń ońtústiginde, shyǵysynda tuman, kóktaıǵaq kútiledi.

Qyzylorda oblysynyń soltústiginde kóktaıǵaq bolady. Jel soltústik-batystan ońtústik-batysqa aýysyp soǵady, kúshi oblystyń soltústiginde jáne ortalyǵynda 15-20 m/s deıin jetedi.

Mańǵystaý oblysynyń soltústiginde, soltústik-shyǵysynda kóktaıǵaq, tuman bolýy múmkin. Soltústik-batystan, soltústikten jel soǵady, oblystyń batysynda 15-20 m/s jyldamdyqpen jel turady.

Pavlodar oblysynyń soltústiginde, shyǵysynda kóktaıǵaq, jaıaý burqasyn kútiledi. Ońtústikten soqqan jel soltústik-batysqa aýysady, jel ekpini oblystyń ońtústiginde, shyǵysynda 15-20 m/s deıin jetedi. 

Túrkistan oblysynyń soltústiginde, batysynda shańdy daýyl bolady. Túnde taýly aýdandarda ońtústik-batystan soqqan jeldiń ekpini sekýndyna 15-20 metrge deıin, kúndiz 15-20, taýly aýdandarda sekýndyna 23-28 metrge jetedi dep kútilýde. 

Jaýyn-shashynnyń túsýine jáne kúnniń sýýyna baılanysty kóktaıǵaq bolady.