• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 00:37:27
Almaty
+2°

Foto: «Nur Otan» partııasynyń baspasóz qyzmeti

Elordada «Nur Otan» partııasynyń qoldaýymen Walt Disney Pictures stýdııasynyń «Enkanto» anımasııalyq fılminiń premera aldyndaǵy kórsetilimi boldy. Bul – «Bolashaq» qory men «Meloman» kompanııasynyń bastamasy boıynsha eń joǵary standarttar boıynsha qazaq tiline dýblıajdalyp otyrǵan 38-shi kınokartına.

«Bolashaq» qorynyń qamqorshylyq keńesiniń qurmetti múshesi Baýyrjan Baıbek atap kórsetkendeı, sheteldik fılmderdi bıýdjetten tys qarajat esebinen memlekettik tilge dýblıajdaý – bolashaqtyqtar iske asyrǵan álemdegi birden bir jeke bastama. 2011 jyldan beri jobaǵa 22 demeýshi kompanııa qoldaý kórsetti, al barlyq 38 fılmdi dýblıajdaýdyń jalpy quny 1,5 mlrd teńgeden astam boldy.

«2011 jyly bizdiń «О́zińnen basta» atty jobamyzdy elimizdiń Tuńǵysh Prezıdenti – Elbasy Nursultan Nazarbaev qoldady. Nátıjesinde, 10 jyl ishinde balalar úshin qazaq tilinde 70 saǵattan astam sapaly kontent jasadyq. Táýelsizdiktiń 30 jyldyǵyn atap ótý qarsańynda biz qazaqstandyqtarǵa sońǵy jobamyz – «Enkanto» atty fılmdi yqylaspen tartý etemiz. Osy jyldar aralyǵynda bizge qoldaý kórsetken barlyq akterlerge, rejısserlerge, áriptester men demeýshilerge taǵy da úlken alǵysymdy bildiremin», - dedi Baýyrjan Baıbek.

Onyń aıtýynsha, bolashaqtyqtardyń bastamasy «Nur Otan» partıasynyń qoldaýymen jalǵasyn taýyp, memlekettik tilde sapaly mýltımedıalyq kontent jasaý jónindegi ulttyq saıasattyń bir bóligine aınalady.

«Barsha ult ókilderiniń ózindik bolmys-bitimin saqtaı otyryp, qazaq tilin, mádenıet pen dástúrdi damytý «Nur Otan» partııasynyń strategııalyq basymdyǵy bolyp tabylady. Memleket basshysy Qasym-Jomart Toqaev jarııa etken partııanyń Saılaýaldy baǵdarlamasyn júzege asyrý boıynsha Jol kartasy aıasynda «Kınematografııa týraly» Zańǵa ózgerister engizý josparlanǵan. Kınoteatrlarda qazaq tilindegi kontentti kórýge teńdeı múmkindik berý maqsatynda jyl saıyn keminde 15 anımasııalyq fılm men otbasylyq tamashalaýǵa arnalǵan fılmniń dýblıajyn qamtamasyz etýge memlekettik qoldaý kórsetý kózdelip otyr, – dedi ol.

Foto: «Nur Otan» partııasynyń baspasóz qyzmeti

«Ýolt Dısneı Kompanı SNG» kompanııasynyń bas dırektory Kahaber Abashıdze «Bolashaq» qoryn 10 jyldyq mereıtoıymen quttyqtaı otyryp, kompanııa úshin qazaqstandyq úkimettik emes uıymmen yntymaqtastyq ornatyp, Qazaqstanda biregeı mádenı jáne áleýmettik jobalarǵa qoldaý kórsetý zor mártebe ekendigin atap ótti.

«Biz osy elde qazaq tiline kásibı dýblıaj jasaýdyń qalyptasýyna qatysýshy bolǵanymyzdy maqtan tutamyz. Birlesken jumystyń arqasynda TMD elderi aýmaǵynda alǵashqy bolyp kınokonsert formatyn usynyp, ony TV-ǵa kóshirgenimizge qýanyshtymyz. Sondaı-aq, biz qordyń aýtıstik spektri buzylǵan adamdar úshin qolaıly orta qurý jobasymen balalar men jastardy qoldaý jónindegi áleýmettik jobasy aıasyndaǵy yntymaqtastyqty baǵalaımyz», – dep atap kórsetti óz málimdemesinde Kahaber Abashıdze.

Osy jyldar aralyǵynda bolashaqtyqtardyń jobasy arqasynda qazaq tili «Walt Disney» kompanııasynyń tarıhynda 39-shy jáne ekinshi túrki tili bolǵanyn atap ótken jón. Sondaı-aq, qazaq tili Shyǵys Eýropa men TMD elderi úshin shyǵarylatyn gollıvýdtyq fılmderdiń Blu-Ray-de kórýge bolatyn negizgi 7 tiliniń qataryna qosyldy. Jobanyń arqasynda 100-den astam qazaqstandyq akter búginde «Walt Disney Pictures»-tiń dybystyq bazasynda tur, al shyǵarmashylyq jáne tehnıkalyq mamandyqtar salasynyń 203 ókili «Walt Disney Pictures» stýdııasynyń standarttary boıynsha oqýdan ótti.

Qazaqstan kınoteatrlarynda «Enkanto» 25 qarashada qazaq jáne orys tilderinde shyǵyp, sodan keıin IVI jáne Megogo onlaın-kınoteatrlarynda qazaq tilinde kórýge bolatyn sheteldik fılmder kolleksııasyn tolyqtyrady. «Enkanto» – «BI Group» qurylys holdınginiń demeýshilik qoldaýymen dýblıajdalyp otyrǵan 13-shi fılm.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir