• USD 468.56

  • EUR 497.56

  • RUB 7.3

  • CNY 67.18

29 Naýryz, 08:37:39
Almaty
+35°

Foto: Ashyq derekkóz

Aqyn, dıssıdent, oppozısıoner, Shańyraq oqıǵasynan keıin 18 jylǵa sottalyp, jýyrda densaýlyq jaǵdaıyna baılanysty bosatylǵan Aron Atabek qaıtys boldy. Belsendiniń búgin saǵat keshki 8 shamasynda júregi soqpaı qalǵan.

Buǵan deıin, Aron Atabektiń densaýlyǵy nasharlap komaǵa túskeni, jeke klınıkada jatqany habarlanǵan. Artynsha beti beri qaraǵany týraly aqparat shyqqan.

Bıyl 1 qazanda Pavlodar soty 2006 jylǵy Shańyraq oqıǵasynan keıin 18 jylǵa sottalǵan Aron Atabektiń qalǵan jaza merzimin bostandyǵyn shekteý jazasyna aýystyryp, aqyndy "densaýlyq jaǵdaıyna baılanysty" túrmeden shyǵarǵan. Aqyn buǵan qarsylyq tanytyp, ózin tolyq aqtaýdy talap etken.

5 qazan kúni belsendiniń jaǵdaıy kúrt nasharlap, aýrýhanaǵa shuǵyl jetkizilgen. Keıin Atabektiń aýrýhanaǵa jatýdan bas tartqany belgili boldy. Artynsha ol úıinde jasandy tynys alý apparatymen demalyp jatqany habarlandy.

10 qazan kúni bir top belsendi Aron Atabek kitabynyń tusaýkeserin ótkizdi. Olar týyndyny Aron Atabektiń bostandyqqa shyǵýyna oraı jasalǵan syılyq ekenin aıtqan.

Aron Atabek 15 jyldan astam ýaqyt túrmede otyrdy. Ol 2006 jylǵy "Shańyraq" oqıǵasynan keıin 18 jylǵa sottalǵan. Sot Atabekti "Shańyraq" oqıǵasy kezinde qaza tapqan polısııa qyzmetkeriniń ólimine aıypty dep tanyǵan.

Keı belsendiler aqynnyń túrmeden bosatylýyn "bılik Aron túrmede ólip qaldy dep jaman atty bolmas úshin bosatty" dep túsindiredi.

♦ Aron Atabektiń denesi Qalqamandaǵy máıithanaǵa jetkizildi (vıdeo)

"Qamshy" silteıdi
Ilmek sózder: Aron Atabek

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir