• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 00:45:56
Almaty
+2°

Qaýipti asteroıdty baǵytynan taıdyra alatyn tehnologııany synaý úshin ǵarysh kemesi ushyryldy.

NASA-nyń Dart dep atalatyn mıssııasy ǵaryshtyq denelerdiń Jermen soqtyǵysýynyń aldyn alý qanshalyqty qıyn bolatynyn synap kórmek.

Ǵarysh kemesi aspan deneleriniń jyldamdyǵy men jolyn qanshalyqty ózgertýge bolatynyn bilý úshin Dımorfos dep atalatyn ǵarysh nysanyna soqtyǵysady.

Eger eni birneshe júz metr bolatyn ǵaryshtyq qoqystardyń bir bóligi bizdiń planetamyzben soqtyǵyssa, ol búkil bir kontınentti joıyp jiberýi múmkin.

Ǵaryshtyq qurylǵy Ilon Masktyń "Falcon 9" zymyrany arqyly sársenbi kúni saǵat 06:20-da Kalıfornııadan kókke kóterildi.

Bul – Jersharyny qorǵaýdy synaý maqsatynda asteroıdtyń baǵytyn burýdyń alǵashqy áreketi bolmaq. Alaıda, synalatyn asteroıd Jerge eshqandaı qaýip tóndirmeıdi.

NASA ushyrylǵan ǵarysh kemesi asteroıdtyń perıodyn sál ózgertetinin málimdedi. Olardyń aqparatynsha, bul synaq óte mańyzdy, sebebi bolashaqta Jerge qaýip tóndiretin ǵarysh nysandary aldyn ala baıqalǵan jaǵdaıda, osyndaı mıssııa qajet bolady.

"Qamshy" silteıdi
Ilmek sózder: NASA asterıod

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir