• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 01:21:36
Almaty
+2°
Albert Eınshteınniń salystyrmaly teorııany jazǵan kezdegi esepteýleri bar qoljazba aýksıonda 11 mıllıon eýroǵa satyldy.
 
Parıjdegi "Christie's" aýksıon úıindegi saýda qoltańba qoıylǵan ǵylymı qujat rekordyn jańartty.
 
Bul teorııalyq fızıktiń uly ǵylymı jumysyn kórsetetin eki maqalanyń biri.
 
1915 jyly jarııalanǵan teorııa adamzattyń keńistik, ýaqyt jáne gravıtasııa týraly túsinigin ózgertti.
 
Esepterdiń qoljazbasyn 1913-1914 jyldar aralyǵynda Eınshteın men qujatty saqtaǵan shveısarııalyq áriptesi Mıshel Besso jazǵan.
 
"Christie's" aýksıon úıi Bessonyń bolashaqty oılap, tarıhı mańyzdy qoljazbany saqtaǵanyn joǵary baǵalady.
 
Aýksıon úıiniń sarapshysy Vınsent Belloı "Eınshteın – óte az jazbalar saqtaǵan adam, sondyqtan qoljazbanyń aman qalǵany jáne bizge jetkeni erekshe baǵaly" dedi.
 
Qaǵazdarda qara sııaly qalammen jazylǵan esepter bar. Belloı myrzanyń aıtýynsha, tarıhı qoljazbada teorııany tujyrymdaý jolyndaǵy birqatar qateler de bar.
 
"Christie's" bul satylym "dúnıe júziniń túkpir-túkpirindegi kolleksıonerlerdi baýrady" dedi.
 
Alaıda 54 bettik qaǵazdy satyp alýshy anyqtalǵan joq.
 
Eınshteınniń salystyrmaly teorııasy ǵalamnyń, planetalyq orbıtalardyń jáne qara qurdymdardyń paıda bolýyn túsinýge kómegin tıgizgen.
 
О́tken mamyrda Eınshteın teorııasynyń eń áıgili E=mc² teńdeýi bar hat 1,2 mıllıon dollardan artyq baǵaǵa satyldy.
"Qamshy" silteıdi
Ilmek sózder: Eınshteın aýksıon

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir